Hlín - 01.01.1959, Blaðsíða 51
lílín
49
10 krónur fyrir að sauma karlmannaföt ,en klæðskerar
tóku 15 kr.
í tvo vetur vann Bergljót við sauma og fleira á Akur-
eyri, en við síldarsöltun á sumrin í nágrenni bæjarins. Á
þessum árum var stofnað á Akureyri Verkakvennafjelagið
„Eining" og var Bergljót kosin formaður þess. Minnir
mig að hún væri fyrsti formaður þess fjelags. — En hún
Ijet af formenskunni, er hún haustið 1914 tók að sjer
dyravörslu Barnaskólans á Akureyri. Hjelt hún því starfi
til haustsins 1921. Þetta var mikið starf og erfitt fyrir eina
konu og illa launað. En því fylgdi frítt húsnæði, Ijós og
hiti, og var það mikils virði á ófriðarárunum fyrri frá
1914 til 1918.
Á þessum árum stundaði Bergljót ýmsa vinnu á sumr-
in, svo sem ráðskonustörf og fleira. — Því henni var bráð-
nauðsynlegt að vinna sjer inn að sumarlagi sem mesta
peninga til að lifa af yfir veturinn, þar sem dyravörslu-
þóknunin lirökk ekki nærri því til að framfleyta fjöl-
skyldu hennar. — Hún lagði því altaf mjög mikið að
sjer með vinnu alt árið um kring, enda tókst henni með
því móti að sjá sjer og sínurn farborða. — Eftir að hún
fluttist til Akureyrar hafði hún jafnan hjá sjer að vetrar-
legi fleiri af börnum sínum en meðan hún var eystra.
Tókst henni á vmsan hátt að stuðla að mentun þeirra. —
Um 1920 hafði hún kent heilsubrests og gat ekki lagt á
sig jafnmikið erfiði og áður.
Börn hennar voru nú flest komin upp að kalla, og eftir
1921 stóð hún aðeins fyrir heimili sínu og þeirra á Akur-
eyri, en aðalfyrirvinna fyrir því heimili út á við var Arn-
lieiður dóttir hennar, sem unnið hafði með lienni fyrir
heimilinu alt frá fermingaraldri.
Bergljótu hafði tekist það, sem hún ásetti sjer, er hún
fluttist til Akureyrar, að skapa sjer og börnum sínum þar
notalegt heimili, njóta samvista við börnin og stuðla að
menningu þeirra ti! anda og handa.
4