Hlín - 01.01.1959, Blaðsíða 42
40
Hlín
— Guðmundur skrifaði Stefáni Stefánssyni, lækni í Aars
á Jótlandi, syni Stefáns Daníelssonar í Grundarfirði og
konu hans Jakobínu Árnadóttur, sýslumanns Thorsteins-
sonar. — Stefán læknir bauð IJórunni til sín, þegar hún
var í sumarfríi 1903, og hún þáði það góða boð, en það
varð til þess að Þórunn trúlofaðist Stefáni og þau giftust
16. júní 1904. — Veturinn áður lærði Þórunn matreiðslu
í Odense á Fjóni, og varð mjög fullkomin í því eins og í
öllu öðru, sem hún lagði fyrir sig.
Þorbjörg systir mín fór til Danmrekur haustið 1907, til
þess að leita sjer lækninga við brjóstveiki, sem hún fjekk
upp úr kíghósta, þegar hún var 20 vikna gömul. — Systir
mín fór fyrst til læknishjónanna í Aars og var hjá jreirn
fyrstu tvö árin. — Hjá Þórunni lærði luin matreiðslu og
alt sem að húshaldi laut. Fjekk mikla æfingu í þeim
störfum og gat tekið að sjer húshald fyrir fjölskyldu í
Kaupmannahöfn í tvö ár, og hafði gott af því. Þetta var
ágætt fólk, sem hjelt vináttu við systur mína meðan hún
lifði. — Þórunn úvegaði systur minni kenslu í vefnaði hjá
norskri konu, sem var mjög vel að sjer í þeirri grein.
Ennfremur lærði hún að knipla, og gerði mikið að því
eftir að hún kom heim, því það var eftirsótt vara og mik-
ið keypt. — Systir mín sagði, að Þórunn lrefði borið af öll-
um konum í Aars, bæði að glæsimensku og gáfum, hún
var sjerstaklega vel gefin á öllum sviðum.
Ingibjörg, móðir Þórunnar, fór fljótlega til lrennar
eftir að hún giftisf og dvaldi í Aars til æfiloka. — Á æsku-
árum Ingibjargar voru lögð fyrir hana spil, og henni var
sagt, að hún mundi fara til útlanda. — Sagði þá einhver,
sem viðstaddur var, að hún færi líklega til Ameríku. —
„Nei, ekki fer hún þangað,“ sagði sá sem spilin lagði,
enda kom það á daginn.
Þegar Sigurður bróðir minn var í háskólanum í Höfn,
buðu læknishjónin í Aars honum að dvelja hjá sjer um
tíma, þegar hann var í sumarfríi. Hann þáði það ágæta
boð, og var rnjög hrifinn, bæði af gáfum mæðgnanna,