Hlín - 01.01.1959, Blaðsíða 154
152
Hlin
Frá formanni kvennasambands: — Jeg þakka þjer hjartan-
lega allar bókasendingarnar ,bæði gefnar og lánaðar, og þann
góða hug til mín, sem bak við þær felst. — Mjer þótti stór-
merk bókin „Fra mannssamfund til menneskesamfund“ eftir
Margaret Bonnevie. — Hún bregður sterku ljósi yfir það mál,
sem mörgum gengur illa að átta sig á, en verður þó að ráðast á
næstkomandi árum: Hvernig konan getur orðið jafnrjetthá
manninum í atvinnu- og stjórnmálalífinu. — Launajafnrjetti er
ekki nema þáttur í því máli. — Mig hefur lengi langað til að
skrifa um þessi mál, og sjerstaklega síðan jeg las þessa bók, og
myndi vilja birta það í „Hlín“, en til þess þarf mikinn tíma og
næði. — Þar mega ekki vera rökleysur eða hugtakabrengl.
Gaman væri að ræða um þetta alt við þig, en þess verður nú
víst ekki kostur fyrst um sinn. •— Og hvenær þá?
Verðum við ungar og baráttufúsar til eilífðar!
Úr Norðurlandi er skrifað um jól 1958: — Þakka þjer fyrir
„Lögberg“, sem þú sendir mjer. Jeg hafði gaman af að sjá það.
Mikið leggur blessað ættfólkið vestanhafs á sig til að viðhalda
tungunni og tengslum við gamla landið. Og mikið fagnar það,
þegar gestir koma að heiman.
Mjer þótti gaman að heyra Guttorm skáld lesa kvæðið á af-
mælinu sínu. Dáðist að hvað hann las vel, að ekki heyrðist ann-
að á málfærinu hans en hann hefði altaf verið heima á íslandi.
Mjer þótti vænt um að þú minnist á frú Evelin Stefánsson og
bókina hennar í „Hlín“ 1958. — Jeg las hana einu sinni og fanst
hún skemtileg eins og bækur Vilhjálms, gat altaf lesið þær. —
Það var gleðilegt að víkingurinn skyldi eftir allar sínar svaðil-
farir og harðræði eignast þessa elskulegu, ungu konu. — Jeg
geymi altaf kvæðið hans: „Heimspeki ungs manns“.
Ekki gat jeg farið austur,, þegar Heimilisráðunauturinn okk-
ar kom. — Við hjer vestur í Firðinum vorum rjett búnar að fá
heim slátur. Og litli drengurinn hjerna fæddist um líkt leyti.
795 manns hefur Björn Pálsson flogið með frá byrjun til
áramóta 1959. — Björn er Austfirðingur. Jeg var að vona að
hann væri Norðlingur, helst Húnvetningui', en íslendingur er
hann, og þá er nóg! — Hafi hann þökk alþjóðar fyrir öll þau
mannslíf, sem hann hefur bjargað.
Það hefur margt breyst hin síðustu fimmtíu árin, síðan lögin
um almenna barnafræðslu gengu í gildi, unglingafræðslan og
margháttuð sjermentun hefur verið skipulögð. — Heimilin
hv'erfa að vísu aldrei úr uppeldissögunni, og ekkert skipulag
getur komið í stað móðurinnar. — Á. Á., forseti. — „Mennta-
mál“ 1957. (