Hlín - 01.01.1959, Blaðsíða 156
154
Hlín
Frá Húsavík er skriíað á Þorranuin 1959: — Jeg má til með
að skjóta því hjer inn í, að nú erum við búnar að fá hjer prýði-
lega hjálparstúlku, hún á að taka til starfa núna um þessi mán-
aðamót og byrjaði í gær. — Jeg veit það gleður þig, því mjer
fanst þú hafa afarmikinn áhuga fyrir þessu. — Svo kveð jeg þig
með bestu óskum um góða heilsu, og að þjer auðnist að starfa
áfram í þeim anda sem hingað til.
Af Hólsfjöllum er skrifað á útmánuðum 1959: — Það er alt
gott af okkur að segja. Börnin hafa verið vel hraust í vgtur,
Guði sje lof! Jeg er altaf svo ósköp kvíðin, ef einhverjir eru
veikir, það er oft svo erfitt að ná til læknis hjer, nema auðvitað
í símanum. — Mjer líður svo vel að vita af Birni Pálssyni með
skíðin á flugvjelinni, það er svo mikið öi-yggi í því. — Hann
hefur komð hingað í vetur að sækja sjúkling, og þá var ekki
um að ræða að komast öðruvísi.
Frjettir frá Nýbýlastjórn 1958: — Samþykt á árinu stofnun
10 nýbýla, auk þess að byggja upp á 9 eyðijörðum.
Kvenfjelag Reykdæla og Aðaldæla í S.-Þing. hafa haft hjálp-
arstúlku saman nú í 2 vetur. Einnig hefur Mývatnssveit haft
hjálparstúlku þessa vetur.
Dagkaupið er 60,00 kr., þegar stúlkurnar eru í starfi, og 1000
kr. mánaðartrygging.
Höfðu þessar stúlkur mikið að starfa og almenn ánægja með
störf þeirra og það öryggi, sc-m fylgir því að hafa svona lag-
aða aðstoð.
Úr Dýrafirði er skrifað vorið 1959: — Jeg hef altaf alið mjer
upp kálplöntur sjálf í dálitlum vermireit.
Jeg hef góðan matjurtagarð, en þó held jeg að ræktun gengi
betur, ef jeg hefði belti kringum garðinn til skjóls. — Gömlu
prestshjónin á Núpi, síra Sigtryggur og frú Hjaltína, hafa verið
fólki hjálpleg og alið upp fyrir marga kálplöntur. — Gísli á
Mýrum hefur gott æðarvarp og fer það ört vaxandi. Það þarf
mikla umönnun og er fólksfrekt. Gísli er öryrki og er búinn að
vera það í mörg ór. Synir hans sjá um búið, en kona hans
stjórnar í varpinu, hún er því kunnug frá barnæsku, alin upp
í Breiðarfjarðareyjum.
Vilhj. Þór, bankastjóri Seðlabankans, skrifar: — Öll vandræði
okkar, verðbólga, ofþensla í efnahagskerfi, gjaldeyrisskortur og
vaxandi skuldabyrði við útlönd, stafar af því að við flýtum
okkur af mikið. — Við reynum að gera of mikið of fljótt.