Hlín - 01.01.1959, Blaðsíða 49
Hlin
47
ann. — Litlagerði er hæg jörð, en landlítil. — Hús voru
þar ijeleg, tún kargaþýft og ekkert framtak í búnaði
hafði verið þar hjá fyrri ábúendum.
Skapti er fyrst talinn fyrir þessari jörð árið 1900. Það
ár mun hann hafa flutst þangað með konu sína og dóttur
á fyrsta ári. — Hjer þurfti alt við að reisa og gengu þau
hjón að því starfi með bjartsýni ungra elskenda. — Öll
gömlu húsin voru rifin til grunna og bygður nýr bær,
peningshús og hlöður. Land ræst fram til þurkunar og
þúfnasljettun hafin.
Undu þau hjer vel liag sínum, þótt Skapta þætti jörðin
heldur þröng. En þá var örðugt að fá nýtt jarðnæði, hver
jörð setin og oft margir um boðið, ef jörð losnaði úr
ábúð.
Eftir 10 ára sambúð þeirra hjóna veiktist Skapti og
andaðist haustið 1907 eftir þunga legu, fertugur að aldri.
Fráfall eiginmannsins fjekk mjög á Bergljótu, sem var
viðkvæm í lund, trygglynd og elskaði eiginmann sinn
heitt.
Hún hafði raunverulega aldrei náð sjer að fullu eftir
reiðarslagið á Seyðisfirði, er hún lenti í snjóflóðinu mikla
og misti þar móður sína. — Hún hafði að vísu verið það
lánsöm, að eiga gott fólk að, en alla sína æsku bar hún
opna hjartaund eftir móðurmissinn. — Hjúskaparárin
voru henni, þrátt fyrir erfið kjör, bjartar sælustundir. En
nú, þegar hún var sviplega svift ástvini sínum og stóð ein
eftir með sjö börn í ómegð, fanst henni, um stundarsakir,
sem lífið legði á hana óbærilega þunga byrði.
Bergljót eignaðist 8 börn með manni sínum. Nöfn
þeirra eru: Garðar, fæddur 1890. Andaðist á fyrsta ári. —
Guðríður, fædd 16. september 1899. — Sigurlaug, fædd
17. nóvember 1901. — Arnheiður, fædd 16. nóvember
1902. — Jóhann, fæddur 6. febrúar 1904. — Þórey, fædd
12. maí 1905. — Svava, fædd 21. júní 1906. — Sigríður,
fædd 21. október 1907, skömmu eftir andlát Skapta.
Bergljót treystist ekki til að lialda áfram búskap eftir