Valsblaðið - 01.05.2009, Side 37

V-
b i

* „
—L'.'.:___u/-
Voda
rnsj

»- 4/
Skólaleikap Vals voru haldnir
í fyrsta skipti í VodafonehöIIinni
að Hlíðarenda í mars 2009.
Skólaleikarnir eru keppni sem
stofnað var til að frumkvæði Vals
milli grunnskólanna sem starfa í
Valshverfinu, Háteigsskóla, Hlíðaskóla
og Austurbæjarskóla. Hugmyndin að
leikunum er sú að kynna félagið og
starfssemi þess að Hlíðarenda fyrir
krökkum á miðskólastigi og virkja
jafnframt alla nemendur þessara
bekkjardeilda til íþróttaþátttöku og
keppni eina dagsstund.
Ákveðið var að keppa að mestu í óhefð-
bundnum greinum þar sem allir gætu
verið með, en iðkendur hefðbundinna
keppnisgreina hefðu ekki endilega áber-
andi forskot á aðra. Töluverð undirbún-
ingsvinna átti sér stað við skipulagn-
ingu leikanna enda hefur tilsvarandi
keppni ekki farið fram áður hérlendis.
Ragnhildur Skúladóttir yfirmaður barna-
og unglingasviðs Vals hafði veg og
vanda að undirbúningi leikanna í sam-
starfi við barna- og unglingaráð félags-
ins og íþróttakennara skólanna sem þátt
tóku, Austurbæjarskóla, Háteigsskóla og
Hlíðaskóla.
Keppnin var rækilega kynnt með góð-
um fyrirvara í skólunum og mikil stemn-
ing mögnuð upp. Að morgni 10. mars
þrömmuðu síðan tæplega 500 krakkar
úr 5., 6. og 7 bekkjum fyrrgreindra skóla
niður í Valsheimili, undir trumbuslætti
og lúðrablæstri, hver skóli í sínum ein-
kennislitum. Er ekki orðum ofaukið að
húsið hafi nötrað af stemningu við setn-
ingu leikanna kl. 10, enda hafði Sigfús
Sigurðsson handboltakappi og kynnir á
leikunum á orði, að aðra eins stemningu
hefði hann ekki upplifað nema í úrslita-
keppnum handboltans.
Framkvæmd keppninnar var með þeim
hætti að bekkjardeildir kepptu innbyrðis
sín á milli, en heildaskor hvers skóla var
síðan reiknað með samanlögðum árangri
allra bekkjardeilda samkvæmt skil-
greindu stigakerfi. Undir stjóm íþrótta-
kennara sinna tóku allir miðstigsnem-
endur allra skólanna þátt einni grein,
en fáeinir nemendur mannfærri skól-
anna kepptu í tveimur greinum, þ.a. tefla
mætti fram jafnmörgum liðum skólanna
þriggja í hverri grein.
Fyrsta keppnisgreinin var skotbolti (e.
dodgeball), sem er eins konar nútíma-
útgáfa af brennibolta, nema að leikið er
með mörgum boltum. Þá var keppt í boð-
hlaupi með risablöðrur í stað keflis sem
krafðist ekki aðeins hraða heldur einn-
ig hæfni og útsjónarsemi. Þriðja greinin
voru skot á körfuhring á móti klukkunni
og síðasta grein
leikanna var reiptog.
Loks kepptu fatlaðir
nemendur úr Hlíða-
skóla sýningarleik í
boccia. Er skemmst
frá því að segja að
keppnin var æsispennandi
allan tímann og allir skól-
arnir í góðum möguleika
að tryggja sér sigur fram að
lokagrein.
Svo fór að Háteigsskóli
knúði fram sigur í síð-
ustu reiptogskeppninni og
skaust þar með fram úr
Hlíðaskóla, en Austurbæj-
arskóli kom skammt á eftir.
Sigfús Sigurðsson afhenti
Háteigskóla glæsilega farand- og eigna-
bikara sem gefnir voru af Partýbúðinni,
sem var styrktaraðili leikanna. Þá fékk
Hlíðaskóla glæsilega viðurkenningu fyr-
ir besta stuðningsmannahópinn.
Leikunum lauk upp úr hádegi og var
það mál þátttakenda og aðstandenda að
vart hefði betur getað til tekist. Krakk-
arnir óskuðu strax eftir að fá aðra leika
að ári, og hafa þeir verið dagsettir aft-
ur annan þriðjudag marsmánaðar, sem á
árinu 2010 ber upp á 9. mars. Er stefnt að
því að skólaleikar Vals verði árlegur við-
burður í framtíðinni, sem stuðli að því að
efla tengsl félagsins við hverfisskóla sína
og kynna Val enn frekar fyrir börnum og
unglingum í félagshverfum þess.
Fynstu Skólaleikan Vals 2009
Valsblaðið 2009
37