Morgunn - 01.12.1939, Síða 63
MORGUNN
189
um hæfileikum, sem mikill meiri hluti manna á ekki yfir
að ráða.
Ef ekki væri unnt að verða aðnjótandi þjónustu engl-
anna og komast að raun um, að frá þeim kemur hjálp og
leiðsögn, nema með því að hafa þennan hæfileika, þá
mundu flestir fara á mis við hjálp þeirra, og einungis fyr-
ir eigin reynslu er unnt að skilja, hve blessunarrík sú
hjálp getur orðið. En, sem betur fer, er hún ekki að sjálf-
sögðu einskorðuð við þá, sem hafa óvenjulega sálræna
hæfileika.
Einn vinur minn, sem staðhæfir að hann hafi engan
óvanalegan sálrænan kraft, hefir fengið óhrekjandi sönn-
un fyrir þjónustu englanna, og hefir fyrir það getað sigr-
azt á sorg, sem annars mundi hafa yfirbugað hann. Vegna
þess að það gæti hjálpað öðrum, sem eins stendur á fyrir,
til þess að fá sömu huggun og hughreysting, þá hefir hann
leyft mér að setja í þessa bók eftirfarandi frásögn um
reynslu hans, sem hann hefir ritað fyrir mig.
„Eftir langvarandi sjúkdóm og þungar þjáningar, sem
hjartkær eiginkona mín hafði borið með mikilli þolinmæði,
andaðist hún og ég stóð einn eftir. Hún hafði oft séð anda
og talað við þá, og þeir höfðu veitt henni undursamlega
hjálp. Hún hafði sagt mér það, er þeir höfðu birt henni, svo
að ég hafði einnig fengið fulla vissu fyrir, að dauðinn er
ekki annað en upphafið á öðru tilverustigi, sem fyrir þá,
sem leitast við að lifa góðu lífi, er miklu gæfusamara en
lífið á líkamlega sviðinu. En ég hafði aldrei getað sjálfur
séð anda eða talað við þá eins og hún hafði gjört.
Þar sem ég hafði ekki sálrænan kraft hennar, virtist mér
það vonlaust, þegar hjartkær konan mín var tekin frá mér,
að ég gæti fengið að sjá hana og tala við hana, eins og
hún hafði, meðan hún lifði, séð og talað við móður sína og
fleiri kæra ættingja sína, sem höfðu farið á undan henni
til betra heims. En ég hafði brennandi löngun til að geta
á einhvern hátt orðið var við nálægð hennar og að ég
gæti einnig með einhverju móti hlotið hjálp andanna.