Morgunn - 01.12.1939, Síða 114

240
MORGUNN
mikið efni og fróðleikur, að hver sem hefir að staðaldri
lesið hann, getur gíört sér fullkomna grein fyrir, hvers
virði sú þekking er, sem sálarrannsóknirnar hafa að flytja.
Dauðinn, sgm er öllum vís, er stærsta vandamál lífsins
og aldrei þagnar spurningin: „Þegar maðurinn deyr, lifnar
hann þá aftur“? Flestir menn kjósa það og bæta því við,
eins og Job: „Þá skyldi ég þreyja alla daga herþjónustu
minnar“. Og nú hafa sálarrannsóknirnar leyst úr þessari
spurningu með jafnmikilli vissu og nokkru öðru vanda-
sömu viðfangsefni, sem mannsandinn hefur glímt við og
fengið viðurkennda vísindalega vissu fyrir. Hve mikla
þýðingu þetta hefur, skilst, þegar þess er gætt, að fullvíst
er, að efnishyggjan hefur alið og útbreytt frá sér hjá lang-
samlega yfirgnæfandi meiri hluta mannanna, ýmist al-
gerða vantrú á, eða meira og minna pínandi efa um, að
nokkuð annað taki við á hinni miklu úrslitastund.
Margir hafa látið í ljósi ósk um, að eignast Morgun
allan frá upphafi, en sá hængur er á því, að bæði hefti 3.
árg. og fyrra hefti 6. árg. eru upp seld. Að vísu er í þess-
um heftum mjög merkilegt efni, erindi og greinar eftir
báða forsetana, Einar Kvaran og séra Harald og fleiri
góða höfunda. En þó er hitt allt árgangasafnið mjög eigu-
legt, veitir næga þekking um málið og fæst við fjórðungs
verði. Sumir hafa hreyft því að prenta aftur hin útseldu
hefti, en þess er ekki kostur með núverandi hag félagsins.
Síðan gamla ritstjórann leið, hefur eiginlega ekki verið
ráðstafað ritstjórninni, þó að ég hafi, til bráðabyrgða,
gengið frá útgáfunni þrjú síðustu missirin. En vegna elli og
annara vanmeta mun brátt líða að því, og verður ef til vill
og ætti að verða með þessum árgangi, að breyting verði
á þessu og yngri og hæfari kraftar taki við. En þakka má
ég lesendum góðvild og umburðarlyndi, sem ég hef mætt í
þessu stutta starfi mínu og bið þá enn virða vel.