Morgunn - 01.12.1939, Síða 68

194
MORGUNN
um kunnáttan til að mála myndina og „byggja“ hana rétt
samkvæmt þeim reglum málarans, sem enginn þekkir nema
af löngu námi? Listgáfan sjálf er mönnunum meðfædd,
en kunnáttunnar verður hver og einn að afla sér með æf-
ing og námi; enginn fær hana að vöggugjöf fullþroskaða.
1 bókmenntum sálarrannsóknarmanna, sem nú eru orðn-
ar ákaflega umfangsmiklar, eru mörg áreiðanleg dæmi
þess, að miðlar í trans hafa skapað merkileg listaverk, sem
þeim hefði verið algerlega ofvaxið að skapa og ekki komið
til hugar að reyna við í venjulegu ástandi. Er hægt að
færa líkur fyrir því, eða e. t. v. sannanir^, að þarna séu
framliðnir listamenn að verki?
Vér skulum hafa það í huga, að þessi grein hinna sál-
rænu fyrirbrigða er lítið rannsökuð enn og að mörg eru
þau djúp mannlegs sálarlífs, sem vér þekkjum lítið, eða
ekki. En staðreyndirnar eru furðulegar. Það má fullyrða.
í stórmerkri þýzkri bók um sálarrannsóknir og spiritisma,
sem gefin var út fyrir þrem árum,1 ( tilfærir höf. merki-
leg dæmi þessara staðreynda. Ég geri ráð fyrir, að les-
endum Morguns þyki þau athyglisverð og því birti ég hér
þrjú þeirra.
Maður er nefndur Lesage og er franskur að ætt. Hann
er fæddur árið 1876, er óbreyttur námaverkamaður og
af óbreyttum námaverkamönnum kominn. Dr. Osty,
franski sálarrannsóknamaðurinn, fullyrðir að listræna
forsögu hafi Lesage enga aðra átt en fáeinar mjög ein-
faldar skólateikningar, sem engan vott listgáfu sýni, og
eina heimsókn í safnið í Lille. Þá hafi hann gegnt skyldu-
herþjónustu, og safnið hafi ekki haft meiri áhrif á hann
en svo, að hann hafi aldrei komið þangað aftur.
Þegar hann var um hálffertugt var það einu sinni á
meðan hann var við vinnu, að hann heyrði mjög greinilega
rödd segja: „Einn góðan veðurdag átt þú að verða mál-
1) Dr. E. Mattiesen: Das persönliche Úberleben des Todes. — Tvö
mikil bindi gefin út hjá Walter de Gruyter & Co.