Morgunn - 01.12.1939, Síða 98
224
MORGUNN
manna um sálarrannsóknir, og mun verði bókarinnar, sem
er 12 arkir að stærð, verða mjög stillt í hóf. — Morgun
vill því eindregið mæla með henni og styðja þau með-
mæli með því að setja hér formála þýðandans:
Eftir því sem áhugi manna á rannsókn yfirverulegra
fyrirbrigða eykst og æ fleiri fara að gefa sig við miðils-
starfsemi, verður þörfin meiri á handbærum leiðarvísi fyr-
ir almenning um miðilsgáfuna og þroskun og meðferð
hinna margvíslegu greina hennar.
En höfundur slíks leiðarvísis þarf að hafa bæði fræði-
lega þekkingu og reynsluþekkingu á þessum efnum, og er
því bezt, að hann sé sjálfur vel æfður og reyndur miðlll.
Fáir munu vera betur hæfir til að rita slíkan leiðarvísi
en Horace Leaf. Hann er heimskunnur sem miðill og ágæt-
ur fyrirlesari um sálræn efni. Hefur hann starfað bæði á
Bretlandseyjum og í öðrum löndum og hefur t. d. haldið
fyrirlestur, eftir sérstakri beiðni, fyrir prófessora og stú-
denta á Ríkisspítalanum í Kaupmannahöfn og einnig við
ýmsar námsstofnanir í Bandaríkjunum.
Hann var um tíma fyrirlesari um sálarfræði miðils-
gáfunnar við „British College of Psychic Science" í
London, og stofnandi og forstöðumaður þeirrar stofnun-
ar skrifaði um starf hans þar það, sem hér segir:
„Hin persónulega þekking Leafs á miðilsgáfunni gerir
fyrirlestra hans óvenjulega mikilvæga fyrir unga sem
gamla“.
Sir Arthur Conan Doyle valdi Horace Leaf til þess að
feta í fótspor sín í Ástralíu og á Nýja Sjálandi sem fyrir-
lesari um sálræn efni.
Við samningu bókar þessarar hefur höfundurinn haft
tvennt í huga, í fyrsta lagi að útskýra hin sálfræðilegu
einkenni miðilshæfileikanna á sem einfaldastan hátt og í
öðru lagi að kenna lesandanum beztu aðferðirnar til að
þroska þessa hæfileika.
Þýðingin er ekki svo nákvæm, að frumritið sé alstaðar