Morgunn - 01.12.1939, Blaðsíða 104
230
MORGUNN
um andleg mál; þótt ekki sé á þann hátt, að það heyri
undir afskifti né úrskurði biskups, þá þykir honum ekki
litlu skifta, hverju til hans andar úr þeirri átt.
Hinn síðasti biskup fór í hirðisbréfi hlýlegum orðum um
málefni sálarrannsóknanna, þótt ekki legði hann því síðan
annað lið eða stuðning.
Hinn nýi biskup hefir enn ekki gefið út hirðisbréf, og
því ekki á þann hátt látið uppskátt, hver afstaða hans sé
til þessa máls. En þar sem það er þó kunnugt, að hann er
maður góðgjarn, víðsýnn og frjálslyndur, finnur Morg-
unn sér ljúft og skylt, ásamt öðrum landsmönnum, að
bjóða hann velkominn í hið virðulega embætti og vænta
sér þeirra einna viðskifta og viðkynningar við hann, sem
samboðið er og til ágóða fyrir hið mikla mannkynsmál-
efni, sem hann hefir að flytja og vill vera málgagn fyrir.
Hin árlega prestastefna, synódus, var hald-
Synodus og jn j gamia alþingssal Menntaskólans, dag-
salmabokin OD .. , ,. ... , .
ana 26.—28. jum undir stjorn hms nyja
biskups. Fór hún fram yfir höfuð í frjálslyndum og bróð-
urlegum anda. Eitt var þó mál þar, er olli nokkrum ágrein-
ingi og allhvössum umræðum. Það var sálmabókarmálið.
En það er þannig til komið, að langt er síðan mörgum
hefir fundizt réttara, að fella burt allmargt af sálmum,
sem sjaldan eða aldrei eru sungnir við guðsþjónustu, þótt
óaðfinnanlegir séu í sjálfu sér, en halda ekki áfram að
prenta þá og selja með sálmabókinni. Aftur á móti er
margt nýrri sálma, sem þegar hafa náð miklum vinsæld-
um, en ekki enn komizt í sálmabókina, þar sem þeir þurfa
að vera.
Tilraun var gjörð til að bæta úr þessu síðara atriði og
koma að nýjum sálmum með því að gefa út viðbæti við
sálmabókina, en vegna breytinga, sem gjörðar höfðu þar
verið að formi og efni á frágangi höfundanna að þeim
fornspurðum á ýmsum sálmum, náði hann ekki hylli né
staðfestingu og varð að stöðva söluna.