Morgunn - 01.12.1939, Blaðsíða 80
206
MORGUNN
Hversu rólega, sem þér hvílið í rúminu, getið þér aldrei
fengið uppbót á eyddum lífsþrótti, nema þér missið
meðvitund. Vér höfum orðið vör við, að þetta er staðreynd,
en ástæðan fyrir því er oss ekki ætíð ljós. Veruleg hvíld
fæst einungis með því, að efnisheimurinn fái að starfa
meira eða minna óháð meðvitundarlífi einstaklingsins.
Þessi losun við líkamann getur verið að eins að nokkru leyti
eða hún er fullkomin, og er þá kölluð astral fjarlæging.
En hvort heldur sem er, hygg ég að í djúpum svefni fari
hún ávallt fram að meira eða minna leyti
Þeir, sem hafa áhuga fyrir þessu hrífandi efni munu
vafalaust hafa lesið bók herra Sylvan Muldoons, Fjarlæg-
ing astrallíkamans (The Projection of The Astral Body,
gefin út í Lundúnum af Rider & Co.) og ég gjöri ráð fyrir
einnig frásögn herra Oliver Fox um hans eigin reynslu,
gefin út af sömu útgefendum, og nefnist Astral-fjarlæging
(Astral Projection). Skáldsaga (sem svo er kölluð), eftir
William Gerardi og heitir Upprisa (Resurrection), varpar
einnig óbeinlíns ákaflega skemmtlegu ljósi yfir þetta sama
efni, og höfundurinn fer sjálfur sálförum. Ég hefi einnig
reynt að semja yfirlit yfir það, sem þekkt er og trúað um
þetta efni, í ritgjörð, sem nefnist: Leyndardómur mann-
legs tvífara (The Mystery of the Human Double).
Þessar sálfarir eru framkvæmdar bæði sjálfrátt og vís-
vitandi eða þær koma fyrir ósjálfrátt, án þess að viðleitni
sé höfð, og er það tvennt frábrugðið. Margir af oss munu
líklega kannast við, að það komi fyrir ósjálfrátt, en hinir
eru mjög fáir, sem geta að vild látið etermynd sína fara
úr líkamanum.
Ég hefi sjálfur aldrei verið vel ánægður með nafnið
„astral líkami“, en astralfjarlæging (astral projection)
hefir náð þeirri hefð, að ekki virðist nú auðið að losast við
það. Vér verðum þó að varast að leggja of mikið í það
ósannanlegan, guðspekilegan skilning. Ef til vill getum vér
þegar vér stígum upp á æðri tilverusvið fellt af hin and-
legu meðvitundarlög hvert af öðru.