Morgunn - 01.12.1950, Síða 52

„S'pmtisminn mun koma á sambandi
allra manna á jörðinni við þá, sem
látnir eru. Þetta mun valda gerbreyt-
ingu á lífi hins jarðneska mannkyns.“
Skáldkonan írú Thit Jensen
og spiritisminn.
Frú Thit Jensen er einn sérkennilegasti og gáfaðasti
rithöfundur, sem nú ritar á danska tungu, og á miklum
vinsældum að fagna. En hún er ekki aðeins rithöfundur
á venjulegan mælikvarða. Allar stefnur og strauma sam-
tíðarinnar lætur hún sig miklu varða, og hún er ódeigur
stríðsmaður sannleikans, hvar sem hún telur sig hafa
fundið hann. Hún hefur litlu látið sig skipta almennings-
álitið og hefur oft reynzt hin öflugasta bardagakona í
ræðustólum Danmerkur fyrir málefnum, sem af mörgum
voru lítils metin.
Frú Thit Jensen hefur lengi verið ákveðinn spíritisti
og á liðnu ári birti danska tímaritið ,,Okkulisten“ viðtal
við hana, sem MORGUNN birtir hér í þýðingu.
Ritstjórinn spurði hana, hvort hún væri sannfærður
spíritisti, og frúin svaraði:
„Já, það getið þér vissulega skrifað. Foreldrar mínir
voru spíritistar löngu áður en bið börnin fæddumst, sann-
færðir spíritistar. Það er ómögulegt að átta sig á því nú
á tímum, hvað það kostaði þá að vera spíritisti. Þeir voru
álitnir heiðingjar. Faðir minn hafði safnað að sér öll-
um bókakosti um málefnið og hann stóð í bréfaskiptum
við þekktustu menn spíritismans um allan heim. Hann
skrifaði greinar fyrir hið fræga tímarit „Light“. Við drukk-
um spíritismann í okkur með móðurmjólkinni eins og
sjálfsagðan hlut. Þannig er ég fædd spíritisti.“