Morgunn - 01.06.1962, Side 79

MORGUNN
75
5.
Sjáðu Olgu frænku
Nasca fjölskyldan, sem bjó í Via Reggio 21 í Rómaborg
leigði fólki íbúð í húsi sínu, Signor G. Notari, sem var
kvæntur og virðist að þau hjón hafi átt tvö börn. Þá var
og enn fremur í heimili með þeim móðir Notari, sem var
þá orðin ekkja. Hinn 6. des. 1908 misstu þau hjón fjögra
mánaða gamlan son sinn, sem andðaist klukkan 10,45
þetta kvöld. Við banabeð litla drengsins voru faðir hans
og móðir, amma hans og auk þess kona húseiganda,
Signora Giulia Nasca. Þá var þar og einnig lítil systir
veika drengsins, þriggja ára gömul, að nokkru leyti löm-
uð, hún hét Ippolita. Hún sat á rúmi litla drengsins og
virti hann fyrir sér með ástúð og umhyggju í augum.
Réttum 15 mínútum áður en hann gaf upp öndina, rétti
Ippolita litla hendurnar í áttina að einu horni herberg-
isins og kallaði upp: „Mamma, sko hana Olgu frænku“.
Henni var umhugað um að komast til frænku sinnar,
og reyndi til að hafa sig niður úr rúminu til að fagna
henni. öllum þeim, er viðstaddir voru, þótti þetta næsta
furðurlegt og spurðu telpuna: „Hvar er Olga frænka?“
„Hvar er hún?“ Litla Ippolita svaraði: „Sko, hún er
þarna, sko, þarna er hún og ætlaði að koma sér fram
úr rúminu og hlaupa til hennar. Pabbi hennar kom nú til
hjálpar henni og hún hljóp yfir að auðum stól, en þegar
hún kom þangað varð hún mjög vandræðaleg, af því
að frænka hafði fært sig yfir í annað horn herbergis-
ins. Ippolita sneri sér nú við og benti þangað er hún sá
frænku sína. Sko, Olga frænka er núna þarna“. En allt
í einu varð Ippolita litla þögul. Litli bróðir hennar hafði
tekið síðasta andvarpið.
Olga frænka, sem Ippolita litla kvaðst sjá, var systir
móður hennar, látin fyrir einu ári. r ,.,.
E. Loftsson þyddt.