Morgunn - 01.06.1967, Page 25

MORGUNN
19
legum rannsóknum á þessum sviðum, en lætur sér nægja að
halda að mönnum röngum og úreltum erfikenningum, sem
hugsandi menn eru löngu hættir að leggja nokkurn trúnað á.
Dr. Wickland hefur, fyrir eigin reynslu og rannsóknir,
gjörsamlega sannfærzt um það, að sál mannsins lifi af lík-
amsdauðann, og að hún geti, þegar hagstæð skilyrði eru
fyrir hendi, náð sambandi við þá, sem lifa hér á jörð. Og
jafnframt hefur reynsla hans, og þeirra hjónanna, sannfært
þau um það, að það sé beinlínis hættulegt fyrir menn að
vanrækja að hugsa um þessi mál og gera sér ljósa grein fyrir
þeim möguleika, sem þau hjónin raunar telja vera óyggj-
andi staðreynd, að líf sé að loknu þessu. Að láta þetta með
öllu undir höfuð leggjast, geti og hljóti að valda þeim óþæg-
indum og vanlíðan, einkum fyrst eftir dauðann, og gera
þeim margfalt erfiðara að átta sig á þeim umskiptum, sem
orðin eru. Þessu til sönnunar tilfærir hann í bók sinni mörg
dæmi. En ég verð að láta nægja hér að segja aðeins frá einu
þeirra. Ég stytti frásögnina allmikið, án þess þó að raska
að nokkru meginefni hennar.
„Fyrir nokkrum árum áttum við hjónin góða vinkonu,
F. W. að nafni. Hún bjó þá í New York og var gift manni,
sem henni þótti mjög vænt um. Þau voru hamingjusöm og
lifðu heilbrigðu og farsælu lífi. Að einu leyti var þó viðhorf
þeirra mjög ólíkt. Frúin var áhugasöm um andleg mál og
mjög hlynnt spritisma, en um hann gegndi allt öðru máli.
Hann var efnishyggjumaður i húð og hár, taldi sig trúleys-
ingja og kvaðst vera sannfærður um, að öllu væri lokið í
dauðanum, og allar kenningar um framhaldslíf og samband
við látna menn væri hégóminn einber. Um þetta viðhorf sitt
ræddi hann stundum við konu sína og sagðist vera staðráð-
inn í því að fyrirfara sér, ef hann missti hana, því þá væri
hfið sér einskis virði framar. Og hann réði henni til að gera
það sama, ef hann dæi á undan henni, og vildi jafnvel taka
af henni loforð um að gera það. En hún færðist eindregið
undan að gefa slíkt loforð.
Nú ber svo við, að maður hennar veikist skyndilega og