19. júní - 19.06.1998, Page 34
Asta Sigurðardóttir var einn af
frumkvöðlum módernisma í íslenskri
sagnagerð og sögur hennar eru flestum
lslendingum kunnar. Asta mun einnig teljast
einn af brautryðjendum í íslenskri
kvennabaráttu; hún skapaði konum þá
virðingu og þann sess í bókmenntum og
þjóðlífinu sem þær áttu kröfu á.
Kristín Rósa Ármannsdóttir
bókmenntafræðingur velti fyrir sér sjálfsmynd
jkvenna í smásögu Ástu, Sunnudagskvöld til
mánudagsmorguns, í tengslum við kenningu
Luce Irigaray um augnaráð karla
Asta Sigurðardóttirfæddist 1. apríl 1930
á Litla-Hrauni í Kolbeinsstaðahreppi í
Hnappadalssýslu og dvaldi þar til 14
ára aldurs er hún flutti til Reykjavíkur. Foreldrar
Ástu voru Sigurður Jónsson bóndi og Þóranna
Guðmundsdóttir. Ásta átti eina systur, Odd-
nýju.
Árið 1946, sextán ára gömul, lauk hún lands-
prófi í fyrsta hópnum sem þreytti það próf. Þá
um haustið settist hún í Kennaraskólann og
lauk kennaraprófi vorið 1950. Ásta sýndi sér-
staka hæfileika, bæði í íslensku og myndlist, en
teikning átti allan hug hennarog hana dreymdi
stóra drauma um frama á því sviði.