Morgunn - 01.06.1981, Síða 60

58
morgunn
Snemma á þessari öld samþykktu Hvítbræður að stíga ann-
að mjög mikilvægt skref í hina sömu átt. Það var í því fólgið
að velja úr hinum hugþroskaðasta hluta mannkynsins og
sameiningum þeim, sem fyrir voru, nýtt starfslið manna,
er ættu það sameiginlegt, að þeir væru andlega hneigðir, góð-
viljaðir, óeigingjarnir og fúsir til þjónustu. Um starðslið þetta
hefur verið komizt svo að orði: „Þetta er ‘hin nýja samein-
ing mannkynsþjónenda’, alþjóðlegt samverkalið, sem nefnt
hefur verið ‘von hinnar nýju aldar’. Sameining þessi á sér
ekkert ákveðið skipulag á hinum ytri sviðum, og þeir, sem
til hennar teljast, eru þess einatt með öllu óvitandi, að þeim
sé hlutdeild ætluð í slíku samfélagi. Þeir eru menn allra
stétta og þjóða, allra trúarhragða eða engrar trúar. Heims-
umbætur og velfarnaður mannkyns i öllu tilliti er þeim
meira hugðarefni en þau mál, er varða þá sjálfa“.
Þessu lik er hin nýja manngerð Vatnsberaaldar, sem gæta
mun æ því meira sem lengur líður á öldina og eiga mun
drýgstan þátt i því að bjarga heiminum. Því að mannkynið
verður að bjarga sér sjálft. Það verk getur enginn annar
unnið fyrir það, þó að það geti hinsvegar vænzt allrar þeirrar
leiðsagnar, sem unnt er að láta í té, af hálfu þeirra bræðra
sinna, sem lengra eru komnir.
Um þessar mundir, er Vatnsberaöld er að hefjast, veltur
mikið á því, að umskiptin í vitundarheimi mannkynsins svo
og þjóðfélagsháttum þess takist, svo sem til er ætlazt. Margs
konar orkustreymi, sem bundið er þessum tímamótum, bein-
ist nú að heimi manna, bæði frá æðri sviðum hnattarins og
utan úr geimnum. Þetta orkustreymi getur orðið mannkyn-
inu mikil hjálp og blessun, ef rétt er við snúizt. Það gæti
hins vegar valdið miklum skaða, ef viðbrögð reyndust nei-
kvæð. Mannkyninu býðst um þessar mundir tækifæri, sem
því mun ekki veitast aftur um langan aldur. Mistakist þvi
að gripa þetta tækifæri, getur það orðið til þess að seinka
þróuninni um margar aldir.
En Tibetinn er reyndar bjartsýnn i þessu efni. Hann bend-
ir á það, hversu mannkyninu hafi fleygt fram andlega á