Morgunn - 01.06.1981, Blaðsíða 32

30
MORGUNN
jafnvel búasl við byltingu á þekkingarsviði manna. En við
ramman reip er að draga, þar sem eru viðhorf ýmissa vís-
indamanna af gamla skólanum og fara verður með mikilli
gát. Það veltur mikið á fullkomnum heiðarleik og gagnrýn-
um vinnubrögðum allra þeirra, er nálægt málum þessum
koma.
Að lokum vil ég aðeins taka fram, að ýmsir þeir, sem
leggja stund á eða laðast að ýmsu því, sem flokkast undir
svonefnd dulræn fyrirbæri, gera það ekki í vísindalegum til-
gangi heldur til að fá huggun harma sinna eða lækningu
meina sinna. 1 mörgum tilfellum má sennilega þakka árang-
urinn t.rú viðkomandi á áhrifamátt viðkomandi fyrirbæra.
Gagnrýnin vinnubrögð geta án efa orðið lil þess að veikja
eða jafnvel eyða þessari trú og má deila um, hvort það er
réttlætanlegt gagnvart þessum einstaklingum. Ég er þess þó
fullviss, að þegar til lengdar lætur muni árangur markvissra
rannsókna verða mun fleirum lil góðs en nú er.