Morgunn - 01.06.1981, Blaðsíða 69

HVAR ER MANNKYNIÐ Á VEGI STATT?
67
ur. Stjórnvöld Kanada höfðu ekki lcítið þetta til sín taka, en
þess er hins vegar getið, að stjórnir ýmissa annarra landa
hefðu bannað þetta dráp á nýbornum kópum.
Dýravinum hrýs hugur við smáfugladrápinu, sem Belgíu-
menn hafa gert að nokkurs konar þjóðaríþrótt. Sagt er, að
haust hvert séu 20 miljónir farfugla, er fljúga þar um á leið
sinni suður í lönd, veiddar í net og ýmiss konar gildrur aðrar.
Til þess að ginna fuglana í gildrurnar eru notaðir tálfuglar
festir við jörð, segulbandstæki, er flytja fuglaraddir, og ýms-
ar aðrar vélar hugvitssamlegar. Til skemmtiveiða þessara
verður að leigja veiðisvæði af landeigendum fyrir ærið gjald,
eins og þegar laxveiðimenn greiða fyrir veiðirétt í ám. Veiði-
menn þessir þykjast hinir mestu fuglavinir og liafa með sér
félagsskap að sínu leyti eins og laxveiðimenn. Um fuglaveiðar
þessar er hið sama að segja og skemmtiveiðar á laxi og sil-
ungi, að þær munu yfirleitt ekki stundaðar fyrir þá sök, að
veiðimenn séu svangir, þó að bráðin sé raunar oftast étin
heldur en fleygja henni til ónýtis. Fuglaveiðar af þessu tagi
munu vera bannaðar i öðrum Evrópulöndum en Belgíu. Hve-
nær skyldi að þvi koma, að óhæfa þyki að veiða lax og silung
sér til gamans?
Rányrkja manna á dýralífi hnattarins kemur fram í einna
hörmulegastri mynd, þar sem hvalveiðarnar eru. Talin er
bráð hætta á því, að ýmsar stórhvalategundir deyi út innan
skamms, ef hvaladrápinu linnir ekki. En hvalveiðar eru mikil
gróðalind, og þó að reynt hafi verið að koma til leiðar alþjóða-
samningum um að reisa skorður við þessari rányrkju, virðist
árangur hafa orðið lítill, enn sem komið er.
Margs konar náttúruspjöll önnur hefur menningarsamfélag
vorra daga á samvizkunni, svo sem rányrkju á skógum og
gróðri og uppblástur lands af manna völdum. Ég mun víkja
hér að margs konar mengun umhverfis, sem leitt hefur af
tækni nútímans og iðnvæðingu og er að verða að litt við-
ráðanlegu vandamáli.
í öllum þéttbýlum löndum er nú svo komið, að ár og vötn
eru orðin stórlega menguð af frárennsli borga og stóriðju-