Morgunn - 01.06.1981, Page 78

HILDUR HELGA SIGURÐARDÓTTIR:
Ef hægt er að segja til um framtíðina,
er líka hægt að breyta henni,
— segir John Belojf, Edinborgarháskóla,
sem ja’St viS rannsóknir á fjarhrifum og framsýni.
John Beloff er forseti Félags dulsálarfræðinga í Edinborg,
„Parapsychological Association of Edinburgh“.
Hann er menntaður sálfræðingur en hefur stundað rann-
sóknir á sviði dulsálarfræði um árabil og er vel þekktur á
því sviði, aðallega fyrir ritsmíðar um þessi efni og kenninga-
smíð fra'ðigreininni til handa. Hann sinnir kennsluskyldu i
almennri sálarfræði við Edinborgarháskóla, en er með sína
eigin rannsóknastofu. Hann tekur þar til sín stúdenta, sem
þegar hafa öðlast háskólagráðu, en óska að vinna prófverkefni
sín á sviði dulsálarfræði.
„Ég hef fengist mikið við fræðilegar útskýringar á hugtak-
inu dulsálarfræði og uppbyggingu fræðikerfis, sem að gagni
mætti koma við áframhaldandi rannsóknir á þessu sviði í
framtíðinni,“ sagði Beloff, „en einnig höfum við i Edinborg
fengist við sjálfstæðar rannsóknir og tilraunir og þótt árang-
urinn hafi verið misjafn, höldum við ótrauð áfram.“ Tilraunir
okkar hafa aðallega beinst að yfirskilvitlegri skynjun, ESP
(Extra sensory perception) og hvort hægt sé að þjálfa hana
upp hjá fólki, t.d. með dáleiðslu.
,,Operation Sweetheart“.
Það hefur hins vegar ekki tekist svo nokkru nemi. Á sviði
fjarhrifa (telepathy) gerðum við t.d. tilraunir með ungt fólk,
pör sem voru i þann veginn að ganga í hjónaband, til að at-