Uppeldi og menntun - 01.01.2010, Side 23

Uppeldi og menntUn/icelandic JoUrnal of edUcation 19(1–2)/2010
JÓHanna e inarSdÓtt i r
23
Í þeim tilfellum sem foreldrarnir voru ekki sáttir við starfsfólkið snerist óánægjan oftast
um annars vegar tíð starfsmannaskipti og hins vegar skort á upplýsingum þegar
þeir næðu í börnin í lok dags. Í nokkrum hópum kvörtuðu foreldrarnir undan tíðum
starfsmannaskiptum í leikskólanum sem erfitt væri að henda reiður á. Það væri e.t.v.
skráð á upplýsingatöfluna að nýr starfsmaður hefði hafið störf en algengt væri að nýtt
starfsfólk kynnti sig ekki og foreldrið vissi ekki, þegar það kæmi að sækja barnið, hver
hinn nýi starfsmaður væri. Foreldrarnir töluðu einnig um að oft væru mjög ungar
stúlkur ráðnar til að vinna með börnunum, sem e.t.v. væru ekki færar um það. Rætt
var um ástæður þessa og voru lág laun nefnd.
Í nokkrum hópum í öllum leikskólunum lýstu foreldrar óánægju sinni með þá til-
högun að ekki væri alltaf sama starfsfólk í skólanum þegar foreldar næðu í börnin sín
og hefði verið með börnunum yfir daginn. Þetta hefði í för með sér að foreldrar fengju
ekki upplýsingar um athafnir og líðan barnanna þann dag. Það fólk sem þá væri með
börnunum vissi oft og tíðum ekkert hvað þau hefðu aðhafst eða hvort eitthvað hefði
komið upp á sem mikilvægt væri fyrir foreldrana að vita um. Ein móðir orðaði þetta
þannig:
Þegar maður er að sækja þá er ekki manneskja búin að fylgja barninu yfir daginn,
þannig að ef eitthvað hefur komið upp á þá fær maður kannski ekki að vita af því. …
Það er svona dálítið rót yfir daginn, allavega milli fjögur og fimm, þá eru alltaf ein-
hverjar aðrar heldur en eru klukkan átta eða níu.
Í svipaða veru voru umræður í öðrum leikskóla um þetta:
Faðir: Við sækjum krakkana frekar seint. Það er yfirleitt svona kannski starfsfólk sem
hefur bara verið hluta úr degi eða verið restina úr deginum við. … Þá er kannski
upplýsingagjöfin – ef maður spyr kannski eitthvað um daginn – þá er kannski það
ekki alveg til staðar.
Móðir: Já, akkúrat. Það hefur skeð ef barnið hefur verið eitthvað …
R: Já, einmitt.
Faðir. Þú veist, borðaði það vel í hádeginu. Þá var kannski starfsmaðurinn farinn.
Móðir: Nýbúið að vera veikt eða með niðurgang eða eitthvað og maður þarf að spyrja
um það. Þá náttúrulega vita þeir voðalega lítið um svoleiðis stundum þegar maður
kemur að sækja.
R: Já.
Móðir: Þá verður maður bara að muna að spyrja morguninn eftir eða …