Uppeldi og menntun - 01.01.2010, Qupperneq 44

Uppeldi og menntUn/icelandic JoUrnal of edUcation 19(1–2)/201044
KennSla Um orðHlUta eyKUr orðSKilning nemenda á yngSta Stigi grUnnSKÓlanS
atHugun 2
Aðferðin var sú sama og í fyrstu athugun nema að inngripin voru nú lögð fyrir heilan
bekk í stað lítilla hópa. Sem fyrr sáu umsjónarkennarar barnanna um kennsluna eftir
að hafa lokið hálfs dags námskeiði um notkun verkefnanna. Börnin voru í fyrsta bekk
grunnskóla og bjuggu í sama borgarhluta og þau sem tóku þátt í fyrstu athugun.
Kennslan fór fram einu sinni í viku, 50 mínútur í senn. Vegna tímatakmarkana voru
áhrif kennslunnar aðeins metin með raunorðaprófinu, en það próf má leggja fyrir heilan
bekk. Eins og áður var megintilgátan sú að þau börn sem tóku þátt í íhlutuninni
myndu sýna meiri framfarir á milli fyrir- og eftirprófs en þau börn sem ekki fengu
sams konar kennslu.
aðfErð
Þátttakendur
Þátttakendur voru 44 börn á fyrsta ári í tveimur grunnskólum í útjaðri London.
Kennsluhópurinn samanstóð af 25 börnum sem öll voru saman í fyrsta bekk. Í saman-
burðarhópi voru nítján börn sem einnig voru í sama bekk. Þar sem aðaltilgangur
rannsóknarinnar var að meta árangur orðhlutakennslunnar þegar hún er felld að
raunverulegu bekkjarstarfi var ákveðið að prófa alla nemendur hvors bekkjar, óháð
málrænum bakgrunni þeirra. Allir þátttakendurnir voru fæddir í Englandi og var
meirihluti þeirra (32) eintyngdur. Tólf nemendur töluðu annað tungumál en ensku
heima hjá sér, og skiptust þeir tiltölulega jafnt á milli hópa (fimm í samanburðarhóp,
sjö í kennsluhóp).
Snið
Raunorðaprófið var lagt fyrir báða hópa tveimur vikum áður en kennslan hófst og svo
aftur í vikunni eftir að því lauk. Vegna tímatakmarkana var ekki unnt að leggja raun-
orðaprófið aftur fyrir eftir inngrip, líkt og gert hafði verið í athugun 1.
Mælitæki
Eins og áður var getið var aðeins raunorðaprófið notað til þess að meta áhrif inngrip-
anna. Aðferðin var nákvæmlega sú sama og notuð var í athugun 1, nema að prófið var
nú lagt fyrir heilan bekk í einu og fyrirlögnin fór fram í kennslustofu barnanna.
Kennsluíhlutun
Börnin fóru í gegnum sömu verkefnin og lögð voru fyrir í fyrstu athugun. Verkefn-
unum var varpað á tjald fyrir framan bekkinn og börnin ræddu þau í litlum hópum og
skiptust á að koma með svör. Sem fyrr var megintilgangurinn að ýta undir umræður
meðal barnanna og fá þau til þess að hugsa um merkingarlega samsetningu orða (sjá
lýsingu á fyrstu athugun).