Uppeldi og menntun - 01.01.2010, Side 60

Uppeldi og menntUn/icelandic JoUrnal of edUcation 19(1–2)/201060
faglegt SJálfStæði grUnnSKÓla
niðurstöður
Hér á eftir er greint frá helstu niðurstöðum könnunarinnar. Fyrst er greint frá afstöðu
skólastjóra til faglegs sjálfstæðis grunnskóla. Síðan segir frá mati þeirra á áhrifum
skólastefnu á faglegt sjálfstæði skólastjóra og kennara. Þá er fjallað um hlutdeild
skólastjóra og kennara í mótun skólastefnu sveitarfélaga og mat skólastjóra á því að
hve miklu leyti kennarar séu samþykkir skólastefnu viðkomandi sveitarfélaga. Að því
búnu er greint frá áhrifum skólastefnu sveitarfélaga á skólastarf og loks frá tengslum
skólastjóra við skólanefndir.
Í töflu 1 sést hver er afstaða skólastjóra til faglegs og rekstrarlegs sjálfstæðis grunn-
skóla haustið 2006.
Tafla 1. Afstaða skólastjóra til faglegs og rekstrarlegs sjálfstæðis grunnskóla
Spurningar: Lítið Nokkurt Mikið
Hversu mikið faglegt sjálfstæði telur þú 4% 36% 60%
að grunnskólar almennt hafi?
Hversu mikið faglegt sjálfstæði telur þú að þinn skóli hafi? 2% 27% 71%
Hversu mikið rekstrarlegt sjálfstæði hafa grunnskólar almennt? 22% 58% 20%
Hversu mikilvægt telur þú að auka rekstrarlegt sjálfstæði 5% 20% 75%
grunnskóla frá því sem nú er?
Svörin sýna að meirihluti skólastjóra telur að grunnskólar séu sjálfstæðar stofnanir.
Þeir meta þó eigin skóla sjálfstæðari en skóla almennt. Þá telja þeir skólana búa við
talsvert rekstrarlegt sjálfstæði en verulegur meirihluti þeirra vill auka það frá því sem
nú er.
Þegar skoðuð eru tengsl svara skólastjóranna við bakgrunnsþætti koma í ljós töl-
fræðilega marktæk tengsl á tveimur stöðum. Skólastjórar sem starfa á landsbyggðinni
telja frekar en þeir sem starfa í Reykjavík eða á höfuðborgarsvæðinu að rekstrarlegt
sjálfstæði skóla sé mikið (χ² (4, 129)=14,48, p<0,01) og það eigi að auka rekstrarlegt
sjálfstæði þeirra frá því sem nú er (χ² (4, 129)=23,23, p<0,001).
Tafla 2 lýsir því hver afstaða skólastjóra er til breytinga á faglegu sjálfstæði grunn-
skóla og hve mikilvægt þeir telja að auka það. Hafa ber í huga að könnunin var gerð
árið 2006 og hafa ný grunnskólalög tekið gildi síðan.
Tafla 2. Afstaða skólastjóra til breytinga á faglegu sjálfstæði grunnskóla
Spurningar: Minnkað/ Svipað/ Aukist/
Léttvægt Nokkuð Mikilvægt
Telur þú að faglegt sjálfstæði grunnskóla hafi aukist
eða minnkað á undanförnum árum? 10% 27% 63%
Hversu mikilvægt telur þú að auka faglegt sjálfstæði
grunnskóla frá því sem nú er? 5% 20% 75%
Meirihluti skólastjóra telur að faglegt sjálfstæði skóla hafi aukist á undanförnum árum.
Einnig álítur verulegur meirihluti skólastjóra mikilvægt að auka það enn meira. Þegar