Uppeldi og menntun - 01.01.2010, Page 165
Uppeldi og menntUn/icelandic JoUrnal of edUcation 19(1–2)/2010 165
i n g i rú n a r e ðva r ðS So n o g g U ð m U n d U r K r i S t Já n ÓS K a rS S o n
Val á háskóla
Hvaða þættir réðu því að svarendur í könnuninni völdu HA á sínum tíma? Í töflu
8 kemur fram að þeir þættir sem vógu þyngst í vali á HA voru þessir: Háskólinn
bauð upp á áhugavert nám (4,38), gæði náms (3,46), ímynd háskólans/áhersla skólans
(3,27), boðið var upp á fjarnám (3,04) og mælt var með skólanum (2,68). Búseta og
stuðningur fjölskyldu fylgja þar fast á eftir (2,50 og 2,49).
Svarendur voru beðnir að forgangsraða þeim þáttum sem höfðu áhrif á val þeirra á
háskóla. Þar kemur fram nokkur munur á forgangsröðun staðar- og fjarnema (sjá töflu
7). Um 66% staðarnema völdu HA vegna þess að skólinn bauð upp á áhugavert nám,
12,3% vegna búsetu fjölskyldu eða ættingja, en aðrir þættir fá mun minna vægi. Um
35% fjarnema völdu HA af því að þar var áhugavert nám í boði, en um 52% völdu skól-
ann vegna fjarnámsins. Aðrir þættir fá mun minna vægi. Kynjamunur er lítill, en konur
velja frekar háskóla með hliðsjón af búsetu fjölskyldu. Yngri nemendur lögðu frekar
áherslu á að háskólinn byði upp á nám sem þeir hefðu áhuga á (62,6%) en þeir sem
eldri voru lögðu meiri áherslu á fjarnámið. Hjúkrunarfræðingar og grunnskólakenn-
arar velja helst HA af áhuga á greininni en viðskiptafræðingar og leikskólakennarar
setja fjarnám frekar í fyrsta sæti. Grunnskólakennarar nefna oftar en aðrir hópar að þeir
hafi valið háskóla í ljósi atvinnu og náms maka eða búsetu fjölskyldu og ættingja.