Uppeldi og menntun - 01.01.2010, Qupperneq 170
Uppeldi og menntUn/icelandic JoUrnal of edUcation 19(1–2)/2010170
Hvað ræðUr vali á námSSviði og HáSKÓla?
Tafla 11. Meðalvægi hvers þáttar í vali á HA eftir aldri við brautskráningu
< 30 ára > 30 ára
μ ( σ / n ) μ ( σ / n ) p-gildi
Háskólinn bauð upp á það nám
sem ég hafði áhuga á 4,45 (0,91/131) 4,29 (1,19/188) 0,64
Ímynd háskólans/áhersla háskólans 3,25 (1,20/129) 3,31 (1,07/177) 0,68
Gæði náms 3,47 (1,02/129) 3,49 (1,09/175) 0,76
Kynning háskólans 2,29 (1,28/130) 2,49 (1,41/176) 0,25
Stuðningur fjölskyldu 2,45 (1,62/128) 2,51 (1,52/171) 0,63
Atvinna/nám maka 1,78 (1,31/129) 1,92 (1,32/167) 0,16
Val félaga á háskóla 1,60 (1,10/130) 1,84 (1,25/173) 0,11
Boðið var upp á námsgráðuna í fjarnámi 2,13 (1,77/129) 3,59 (1,82/185) <0,001
Búseta fjölskyldu/ættingja 2,74 (1,61/130) 2,40 (1,63/174) 0,07
Ímynd Akureyrar sem skólabæjar 2,55 (1,25/130) 2,42 (1,29/170) 0,30
Mælt var með skólanum 2,75 (1,35/129) 2,67 (1,39/175) 0,59
Annað 4,40 (1,4/15) 3,68 (1,76/22) 0,13
Skýringar: p-gildi fundið með Mann-Whitney prófi. Marktækur munur milli hópa (p-gildi < 0,05) er
skáletraður í töflu. μ = meðaltal, σ = staðalfrávik og n = fjöldi.
umræða og ályktanir
Hér að framan hefur verið gerð grein fyrir vali brautskráðra nemenda við Háskólann
á Akureyri í viðskiptafræði, menntunarfræðum og hjúkrunarfræði á námsgrein og
háskóla. Í þessum hluta verða helstu niðurstöður dregnar saman og settar í fræðilegt
samhengi. Fyrst verður fjallað um val á námssviði og því næst um val á háskóla.
Val á námssviði
Þegar þátttakendur í könnuninni voru spurðir út í val á námssviði voru helstu niður-
stöður þær að áhugi á námsgreininni réð mestu um val á námsgrein hjá öllum svar-
endum. Í öðru sæti voru atvinnumöguleikar í greininni, þá kynni af starfsgrein, fjöl-
breytni náms, hvort boðið var upp á fjarnám í greininni og tekjumöguleikar.
Þessar niðurstöður eru áhugaverðar og ættu ekki að koma á óvart í ljósi aldurs og
aðstöðu svarenda. Flestir þeirra hafa stofnað heimili með maka og börnum og meðal-
aldur þeirra er 36,8 ár. Áhrif foreldra eru því mun minni en hjá yngra fólki. Það ætti að
skýra hvers vegna áhrif fjölskyldu eru mun meiri í erlendum könnunum sem miðast
við yngra fólk sem oft býr enn í foreldrahúsum. Aðgengi að íslenskum háskólum er
tiltölulega gott og mögulegt að framfleyta sér með námslánum. Það stendur því fátt í
vegi fyrir því að svarendur velji sér það nám sem hugur þeirra stendur til. Könnunin
nær aðeins til starfstengds náms og í því ljósi er ekki að undra að svarendur setja
atvinnumöguleika í greininni í annað sæti, margir þeirra hafa starfað í leikskólum,
fjármálafyrirtækjum og víðar og hafa þannig kynnst störfum í greininni í návígi áður
en námsgrein er valin. Fjölbreytni náms höfðar einnig til svarenda. Fyrir þá svarendur