Uppeldi og menntun - 01.01.2010, Qupperneq 191

Uppeldi og menntUn/icelandic JoUrnal of edUcation 19(1–2)/2010 191
BJöRG JÓNA BIRGISdÓttIR
Áhrif Bolognaferlisins á nám, kennslu
og stjórnun í Listaháskóla Íslands
„Samvinna er affarabest fyrir heildina“ (Halldór Laxness)
Listaháskóli Íslands (LHÍ) er ungur háskóli og var stofnaður um það leyti sem
Bolognaferlið hófst. Það gaf skólanum möguleika og svigrúm til að þróa námskrá
skólans og aðlaga hana ferlinu frá byrjun. Í ferlinu er lagt til að uppbygging háskóla-
náms sé þriggja ára grunnnám og tveggja ára meistaranám. Bakkalárnám í Lista-
háskólanum er þriggja ára nám á langflestum námsbrautum. Þó hefur leikarabrautin
verið fjögurra ára nám vegna þess að námið var skipulagt þannig í Leiklistarskóla
Íslands á sínum tíma. Frá og með haustinu 2010 mun uppbygging leikaranáms breytast
og byggjast á þriggja ára grunnnámi og síðan meistaranámi. Meistaranám er boðið
í tónlistardeild og listkennsludeild og er í samræmi við uppbyggingu meistaranáms
innan Bolognaferlisins.
Ný lög um háskóla á Íslandi tóku gildi 2006 og var markmið þeirra að auka gæði
menntunar og gera breytingar í anda Bolognamarkmiðanna. Samkvæmt lögunum
þurftu starfandi háskólar að sækja um viðurkenningu á þeim fræðasviðum sem þeir
störfuðu á. Listaháskólinn starfar á fræðasviðinu listir og fékk viðurkenningu í sept-
ember 2007 og er eini háskólinn á Íslandi sem hefur fengið viðurkenningu á þessu
fræðasviði. Skólinn er sérstakur að því leyti að margar listgreinar eru kenndar við
hann en hlutfallslega fáir nemendur stunda nám í hverri grein. Í flestum listaháskól-
um í Evrópu eru kenndar færri listgreinar við hvern skóla. Því hefur Listaháskólinn
töluverða sérstöðu meðal evrópskra listaháskóla og hefur þurft að þróa námið á sinn
eigin hátt. Sérstaða LHÍ gefur hins vegar mikla möguleika á að þróa þverfaglega
kennslu og samstarf milli listgreina.
Við undirbúning umsóknar um viðurkenningu á fræðasviðinu listir þurftu deildir
skólans að lýsa inntaki námsleiða út frá þekkingu, hæfni og færni við námslok.
Menntamálaráðuneytið gaf út viðmið um æðri menntun og prófgráður sem lögð
voru til grundvallar viðurkenningunni. Frá Listaháskólanum kom fram sú gagnrýni
að sköpunarþátturinn hefði lítið sem ekkert vægi í viðmiðunum en mikil áhersla er
lögð á sköpun á öllum námsbrautum skólans. Í þessari umræðu kom greinilega fram
sérstaða Listaháskólans. Í framhaldi af því setti Listaháskólinn fram sín eigin viðmið
sem byggjast á því að við lok náms uppfylli nemendur viðmið í leikni/færni, sköpun,
skilningi, þekkingu og gagnrýni. Viðmiðunum er lýst nánar á heimasíðu skólans fyrir
Uppeldi og menntun
19. árgangur 1.–2. hefti, 2010