Uppeldi og menntun - 01.01.2010, Qupperneq 195

Uppeldi og menntUn/icelandic JoUrnal of edUcation 19(1–2)/2010 195
BJöRN þoRStEINSSoN
Bolognaferlið og Landbúnaðarháskóli
Íslands
Landbúnaðarháskóli Íslands (LbhÍ) hefur nokkra sérstöðu meðal íslenskra háskóla.
Hann hefur innan við 300 nemendur í háskólanámi auk nemenda á starfsmennta-
brautum í búfræði og garðyrkju. Þótt skólinn sé nýlega stofnaður sem slíkur (2005)
stendur starfsemi hans á gömlum merg. Eitt elsta háskólanám á sviði raunvísinda á
Íslandi (búvísindi) er rekið við skólann en til þess var stofnað 1947 við Bændaskólann
á Hvanneyri. Önnur rót LbhÍ liggur í stofnun sem áður hét Rannsóknastofnun land-
búnaðarins (Rala), þar áður Landbúnaðardeild atvinnudeildar Háskóla Íslands,
stofnuð 1935. Þannig er skólinn bæði gamall og nýr og með tiltölulega mikil rann-
sóknaumsvif, en um 60% af starfsemi Lbhí, hvort sem talið er í peningalegri veltu eða
mannafla, eru rannsóknir.
Stjórnskipan LbhÍ er einföld. Tvær háskóladeildir eru við skólann, auðlindadeild og
umhverfisdeild, en undir deildirnar heyra samtals fimm námsbrautir. Þvert á deildir
er svo fámennt kennslusvið, með einum aðstoðarrektor, kennslustjóra, skólafulltrúa,
alþjóðafulltrúa og námsráðgjafa. Allar námsbrautir nema búvísindi eru tiltölulega
nýjar af nálinni og er enn stjórnað af þeim námsbrautarstjórum sem hafa verið lykil-
persónur við mótun þeirra frá byrjun.
Rétt eftir stofnun LbhÍ hrinti menntamálaráðuneytið af stað viðurkenningarferli
sem allir íslenskir háskólar tóku þátt í. Í þessu ferli öðlaðist LbhÍ viðurkenningu á
fræðasviðum sínum. Við LbhÍ var ákveðið að ganga frá lýsingum námsbrauta og
skírteinisviðauka í Bolognastíl eins og kveðið var á um en láta ekki þar við sitja heldur
endurskrifa jafnframt allar námskeiðalýsingar eftir áðurnefndum viðmiðum, en
kennd námskeið við háskólabrautir LbhÍ eru um 80 talsins. Það var mat stjórnenda
kennslusviðs að forsenda þess að skrifa vandaðar námsbrautarlýsingar væri að fyrir
lægju námskeiðalýsingar með viðeigandi hæfniviðmiðum. Með rétt frágengnum
námskeiðalýsingum er fyrst hægt að kanna skipulega hvort öllum hæfniviðmiðum
sem námsbraut gerir ráð fyrir sé fundinn staður í námskeiðum, einum eða fleiri, eða
hvort einhver viðmið eru ekki uppfyllt.
Vinnan við námskeiðalýsingar og námsbrautarlýsingar reyndist þegar á hólminn
kom mikil en þó framkvæmanleg. Ástæða þess að til tókst eins og að var stefnt er
sú að námsbrautarstjórar LbhÍ eru hópur frumkvöðla sem flestir höfðu mótað sínar
námsbrautir frá byrjun og höfðu því skýra sýn á markmið brautanna og voru nokkuð
fljótir að skilgreina hæfniviðmið eftir nýrri tísku.
Uppeldi og menntun
19. árgangur 1.–2. hefti, 2010