Uppeldi og menntun - 01.01.2010, Qupperneq 198

INGIBJöRG GuðMuNdSdÓttIR oG
SIGNý ÓSkARSdÓttIR
Bologna. Ferli framfara og tækifæra
(Háskólinn á Bifröst)
Undanfarinn áratug hefur Háskólinn á Bifröst lagað sig að Bolognastöðlum og tekið
þátt í Bolognaferlinu eins og aðrir háskólar hér á landi. Hér verður í stuttu máli fjallað
um innleiðingu Bolognaferlisins í Háskólanum á Bifröst og rætt um hlutverk kennara
og nemenda í því ferli.
Innleiðing Bolognaferlisins á Bifröst hefur veitt kennurum, nemendum og starfsfólki
tækifæri til þess að ræða á opinskáan hátt um kennsluhætti, námsmat og gæðastjórnun
náms við skólann. Ábyrgð innleiðingarinnar hefur að mestu verið hjá deildarforsetum,
gæðaráði og kennslusviði skólans. Framkvæmd innleiðingarinnar hefur til dagsins
í dag tekið mið af þeim áherslum sem kynntar hafa verið hverju sinni af ráðherra-
nefndinni og menntamálaráðuneytinu. Í kjölfar setningar laga um háskóla 2006 og
útgáfu menntamálaráðuneytisins á viðmiðum um æðri menntun og prófgráður hefur
vinnan við innleiðingu Bolognaferlisins verið markvissari og umræðan hefur færst
frá sérfræðingunum inn í hjarta skólans, til nemenda og kennara, þar sem hún á vel
heima. Mikil vinna var lögð í að skrá lærdómsviðmið fyrir hverja prófgráðu í skól-
anum. Þessi skráning var í höndum deildanna, gæðaráðs og kennslusviðs.
Nemendur eiga fulltrúa í gæðaráði, á deildarfundum og í háskólaráði og hafa því
umræðuvettvang og taka þátt í ákvörðunum sem teknar eru um aukin gæði kennslu
og uppbyggingu náms. Þrátt fyrir þessa aðkomu nemenda mætti auka enn frekar
upplýsingagjöf til þeirra um hugmyndafræði Bolognaferlisins.
Ekki var að greina neina verulega mótspyrnu við þrepaskiptingu náms eða upptöku
ECTS-einingakerfisins í stað þess gamla. Það sama má segja um staðlaða skírteinis-
viðaukann. Þessa litlu andstöðu má sjálfsagt rekja til þess að skilningur er á því að
umræddar breytingar efli samkeppnishæfni íslenskra nemenda að námi loknu. ECTS-
einingarnar og staðlaði skírteinisviðaukinn greina t.d. skýrt frá inntaki þess náms sem
nemendur stunduðu á námstímanum. Innleiðing þessara breytinga var ekki flókin
aðgerð og kallaði ekki á innlegg frá mörgum ólíkum einstaklingum. Þess vegna hefur
hún gengið eins vel og raun ber vitni.
Hins vegar má nefna að innleiðing hæfniviðmiða fyrir námskeið út frá skráðum loka-
viðmiðum námsleiða við skólann hefur reynst flóknara ferli. Hér virðist vera erfiðara
að ná samkomulagi um hvað það er sem skiptir máli og hvernig skuli standa að inn-
leiðingunni. Ákveðið var að búa til áætlun um verkið og skipa einn fulltrúa til þess
að verkstýra innleiðingunni. Ábyrgðin er þó hjá deildarforsetum og deildarfundum
hverrar deildar.
Uppeldi og menntun
19. árgangur 1.–2. hefti, 2010
198