Uppeldi og menntun - 01.01.2010, Page 201

Uppeldi og menntUn/icelandic JoUrnal of edUcation 19(1–2)/2010 201
BJARNI k. kRIStJáNSSoN oG
SkúlI SkúlASoN
Innleiðing Bolognaferlisins við
Háskólann á Hólum
Skólastarf á Hólum í Hjaltadal er byggt á gömlum grunni. Þar stofnaði Jón helgi
Ögmundarson biskup dómskóla árið 1106, sem var háskóli þess tíma. Í framhaldi af
því dafnaði skólastarf og menningarlíf á Hólum allt til ársins 1801 þegar biskupsstóll-
inn var lagður niður og skólinn fluttur til Reykjavíkur. Nýr blómatími skólastarfs hófst
1882 þegar Bændaskólinn á Hólum var settur á fót sem samvinnuverkefni bænda í
öllum sýslum norðanlands. Á þessum grunni varð til Hólaskóli – Háskólinn á Hólum.
Háskólastarf þróaðist innan Bændaskólans á Hólum í kjölfar sérhæfingar hans
eftir 1980 en þá efldust rannsóknir og samstarf skólans við háskóla. Starfar skólinn
nú í þremur fagdeildum: ferðamáladeild, hestafræðideild og fiskeldis- og fiskalíffræði-
deild. Á grundvelli laga um búnaðarfræðslu frá 1999 var skólanum með reglugerð
árið 2003 heimilað að útskrifa nemendur með háskólagráðu og ári síðar var sam-
þykkt ný námskrá við skólann. Hólaskóli – Háskólinn á Hólum var formlega gerður
að háskóla með lagabreytingu sem tók gildi 1. júlí 2007. Árið 2006 tóku gildi ný lög
um háskóla sem tóku mið af ákvæðum Bolognaferlisins með nánari útfærslum, t.d. í
auglýsingu um viðmið við æðri menntun og prófgráður og reglum um innri og ytri
gæðaúttektir. Í byrjun árs 2008 tók menntamálaráðuneytið við stjórnsýslu skólans af
landbúnaðarráðuneytinu.
Árin 2007–2008 voru ár mikilla breytinga hjá Háskólanum á Hólum. Í kjölfar nýrra
laga var ákveðið að endurskoða skipurit skólans og regluverk. Samhliða þessu var
leitast við að skipuleggja nám og kennslu í samræmi við viðmið um æðri menntun og
prófgráður. Á sama tíma var unnið að innra mati á starfsemi skólans vegna umsóknar
um viðurkenningu fræðasviða en fræðasvið skólans fékk formlega viðurkenningu í
apríl 2008. Allar reglur skólans voru gerðar mun skýrari og má þá sérstaklega nefna
kennslureglur er taka til inntöku nemenda, kennslu, námsmats og fleira. Skipurit skól-
ans var gert mun skýrara og stofnuð voru fjögur svið: stoðsvið, rannsóknasvið, svið
framhaldsnáms og kennslusvið. Sviðin bera ábyrgð á gæðamálum og umsýslu með
þeim þáttum sem þeim tilheyra.
Rannsóknir skipa veigamikinn sess hjá Háskólanum á Hólum og má segja að á
þeim hafi byggst möguleikinn á breytingu yfir í háskólastofnun. Sértekjur skólans árið
2009 voru um 45% af heildartekjum og stór hluti sérteknanna er styrkir til rannsókna-
og þróunarverkefna. Þessi þróun hefur verið leidd af fiskeldis- og fiskalíffræðideild
og nýtist sú reynsla vel við uppbyggingu rannsókna annarra deilda. Rannsóknasvið
Uppeldi og menntun
19. árgangur 1.–2. hefti, 2010