Uppeldi og menntun - 01.01.2010, Page 208
Uppeldi og menntUn/icelandic JoUrnal of edUcation 19(1–2)/2010208
viðHorf
Hefur Bolognaferlið mætt andstöðu í Háskólanum á Akureyri og telur þú að ólík stofnana-
menning í háskólunum skipti máli þegar kemur að viðtöku skrefanna í Bolognaferlinu? Það
er ekki merkjanlegt að starfsfólk HA, kennarar eða aðrir, hafi sýnt Bolognaferlinu
eða einstökum verkefnum tengdum því andstöðu þó að skrefin hafi vissulega verið
misþung. Það er e.t.v. auðveldara fyrir litla háskóla en stóra að gera breytingar sem
þessar á starfsháttum en smæð HA hefur án efa hjálpað mikið til auk þess sem virkni
gæðaráðs í skipulagi og eftirfylgni með verkefnunum hefur haft sitt að segja um það
hvernig tekist hefur til.
Innleiðing námsmarkmiða er mikil breyting á starfi kennara. Ef nefna ætti eitt-
hvað sem skipt gæti sköpum við innleiðingu slíkra breytinga á starfsháttum væri það
aukin menntun háskólakennara á sviði kennslufræði, eins og þegar hefur verið vikið
að. Æskilegt er að hægt væri að skylda alla háskólakennara til að taka námskeið í
kennslufræði t.d. innan þriggja ára frá ráðningu þeirra því með þeim hætti mætti
tryggja að þeim væri tamt bæði tungutak kennslufræðinnar og helstu aðferðir. Þá væri
leiðin greiðari.
HEimildir
Háskólinn á Akureyri. (1997). University of Akureyri information and ECTS guide.
Akureyri: Háskólinn á Akureyri.
IMG ráðgjöf. (2005). Háskólinn á Akureyri, stofnanaúttekt unnin fyrir menntamálaráðherra.
Reykjavík: IMG ráðgjöf.
um Höfunda
Sigrún Magnúsdóttir (sigrun@unak.is) er gæðastjóri og forstöðumaður kennslusviðs
við Háskólann á Akureyri. Hún hefur meistarapróf (M.Lib.) í stjórnun frá Háskólanum
í Wales, Aberystwyth. Fræðilegt áhugasvið Sigrúnar er stjórnun, gæðastjórnun, þróun
þjónustu, þjónustugæði og hagnýting upplýsingatækni í skólastarfi.
Sigurður Kristinsson (sigkr@unak.is) er dósent og forseti hug- og félagsvísindasviðs
Háskólans á Akureyri. Hann er með doktorspróf í heimspeki frá Cornellháskóla
í Bandaríkjunum. Rannsóknar- og fræðasvið Sigurðar eru einkum siðfræði, siðræn
sálfræði og hagnýt siðfræði starfsgreina, rannsókna, lífs og lækninga.