Tímarit Þjóðræknisfélags Íslendinga - 01.01.1961, Side 104

86
TÍMARIT ÞJÓÐRÆKNISFÉLAGS ÍSLENDINGA
16. Ólafur Ó. Magnússon, á sjúkrahúsi
í Wynyard, Sask. Fæddur 20. febr. 1876
að Giljalandi í Haukadal í Dalasýslu.
Foreldrar: Oddur Magnússon frá Núpi í
Haukadal og Margrét ólafsdóttir frá
Vatnshorni í sömu sveit. Kom vestur um
haf með foreldrum sínum til N. Dakota
1886. Fluttist til Vatnabyggða og nam
land í grennd við Wynyard 1905, og
jafnan síðan búsettur á þeim slóðum.
Áhugamaður um þjóðræknismál.
23. J. Soffía Johnson, ekkja Magnúsar
Johnson, á sjúkrahúsi í Winnipeg, 78 ára
að aldri. Búsett þar í borg í 65 ár.
29. Eiríkur Eiríksson, í Winnipeg, 26
ára gamall. Fæddur í Hecla, Man., sonur
Kristins og Sigríðar Eiríkson.
29. Augustína Goodman, ekkja Þor-
steins Goodman, á elliheimilinu „Staf-
holt“ í Blaine, Wash. Fædd í Skaga-
firði 23. sept. 1879. Foreldrar: Jón Jóns-
son og Sigr. Stefánsdóttir. Hafði verið
búsett í Marietta, Wash., í 46 ár.
Okt. — Helgi Steinberg, að heimili
sínu í White Rock, B.C. Fæddur 21. jan.
1876 í Mjóadal í Bárðardal í Suður-Þing-
eyjarsýslu. Foreldrar: Pétur Pétursson
og Aðalbjörg Jósepsdóttir. Kom vestur
um haf 1910. Landnámsbóndi í grennd
við Foam Lake, Sask., í 27 ár, en síðan
búsettur í British Columbia.
NÓVEMBER 1961
1. Carl Johnson prentari, á elliheimili
prentara í Colorado Springs, Colorado í
Bandaríkjunum. Fæddur í Winnipegosis,
Man., 22. apríl 1902, en fluttist fimm ára
gamall með foreldrum sínum, Mr. og
Mrs. Árni Johnson, til Wynyard, Sask.
Nam prentiðn þar og í Foam Lake, Sask.,
og vann síðan sem prentari í Winnipeg
um skeið.
3. Stefán L. fsfeld, að heimili sínu að
Gimli, Man., 55 ára gamall. Fæddur að
Gimli og átti þar heima ævilangt.
5. John Ágúst Eggertson, að heimili
sínu í Winnipeg, 71 árs að aldri. Fæddur
þar í borg og búsettur þar til æviloka.
5. Cecil A. Gudmundson fiskimaður,
á sjúkrahúsi í Selkirk, Man. Fæddur í
Riverton, Man., 18. nóv. 1915, sonur
Mr. og Mrs. H. H. Gudmundson.
7. Jóhanna White, í Edmonton, Alberta,
83 ára gömul.
9. Oddur Guttormson, búsettur að
Húsavík, Man., á sjúkrahúsi að Gimli,
Man., 83 ára að aldri.
13. Margrét Johnson, ekkja Hannesar
Johnson, áður í Glenboro, Man., í Win-
nipeg, 89 ára. Fædd á íslandi, en fluttist
vestur um haf með foreldrum sínum
1882, og settist fjölskyldan að í grennd
við Cypress River, Man.
14. Ólafur Sigurdson, að Geysir, Man.,
43 ára gamall.
18. Sigurbjörg Kristjánsson, ekkja Sig-
urðar Kristjánssonar, á Gimli, Man., 81
árs að aldri. Fædd á íslandi, en kom
vestur um haf 1881, átti fyrst heima í
Geysir, Man., en síðustu 65 árin að
Gimli.
23. Gunnlaugur Ágúst Breckman, að
Lundar, Man., 53 ára.
25. Magnús Gíslason, frá Árborg, Man.,
á sjúkrahúsinu að Gimli, Man., 73 ára.
27. Mary Jackson, á heimili systur
sinnar, Mrs. T. Goodmundson, í Stevens-
ville, Ont., 86 ára að aldri.
27. Ásdís Solveig Johnson, ekkja
Josephs Johnson, í Santa Monica, Kali-
forníu, 91 árs gömul. Kom frá íslandi
til Kanada 1889 og átti heima í Winni-
peg í 62 ár, en síðastliðin tíu ár í Kali-
forníu.
Nóv. — John M. Johnson smiður, á
heimili sínu í Brown, Man. Fæddur að
Hallson, N. Dakota 1887. Fluttist ungur
að aldri með foreldrum sínum til Marker-
ville, Alberta, en þaðan til Brown fyrir
mörgum árum.
DESEMBER 1961
12. Aurora Guðný Arason, ekkja
Ágústs S. Arasonar, að heimili sínu í
Glenboro, 62 ára að aldri. Fædd þar,
dóttir landnámshjónanna Olgeirs Frede-
rickson og konu hans.
17. Helgi Einarsson, landnámsmaður í
Narrows-héraðinu við Manitobavatn, að
Anama Bay við Dauphin River, Man.,
91 árs gamall. Hafði verið á þeim slóð-
um síðan 1887 og var sérstæður athafna-
maður.
22. Hjálmur V. Thorsteinsson smiður,
á Gimli, Man., 55 ára að aldri. Fæddur
að Gimli, sonur fróðleiksmannsins
Hjálms Þorsteinssonar, og átti alla ævi
heima þar í bæ. Áhugamaður um félags-
mál.
23. Guðrún Erickson, ekkja Valdimars
Erickson, í Vancouver, B.C., 84 ára. Átti
fyrrum heima að Lundar, Man.
25. John Reykdal, frá Oak Point, Man.,
á sjúkrahúsinu í Deer Lodge, Man., 66
ára gamall.
25. Ingveldur (Inga) Guðný Gillies,
kona Jóns S. Gillies, að heimili sínu í
Winnipeg. Fædd á Fellsströnd í Dala-
sýslu 1881, dóttir Benjamíns Jónssonar
og Steinunnar Jónsdóttur, og fluttist með
þeim vestur um haf tveggja ára að aldri.
31. Snjólaug Björnson, ekkja Guðjóns
Björnssonar bónda í Framnesbyggð í
Nýja íslandi, en síðast í Árborg, 72 ára.
Talin fædd í Akra, N. Dakota, en þangað
fluttu foreldrar hennar, landnámshjónin
Tprggvi og Hólmfríður Ingjaldson, bæði
Þingeyingar, af Islandi árið 1886; þaðan
fluttist hún með þeim til Nýja íslands
1901.