Sagnir - 01.05.1991, Síða 87

Gunnar Karlsson
Enn er eftir
textabyltingin
Umsögn um ellefta árgang Sagna
Kápumyndin á Sögnum XI,
1990, er sérstaklega vel
valin, undurfalleg gömul
ljósmynd af konu með hvort
barnið á sínu brjósti og á vel við
efnið því að blaðið fjallar að miklu
leyti um sögu barna og kvenna.
Þrjár greinar eru um barnauppeldi
og meðferð barna og þrjár um
kvennasögu. (Barnasögugreinarnar
eru eftir konur en kvennasagan
eftir karla. Skyldi það vera merki
um eitthvað?) Þá er ein grein um
Stóradóm, sem snerti konur vissu-
lega meira en meðaltal þess sem
fjallað er um í íslandssögu. Þrjár
greinar eru um önnur efni, auk
venjubundins ritdóms um næsta
hefti á undan: um stærð fiskibáta á
18. öld, tekjur presta og loks eins
konar predikun fyrir efnahagslegri
frjálshyggju, skrifuð í tilefni af
fimm alda afmæli Píningsdóms.
Sagnir halda hér sömu stefnu og
undanfarin ár að vera vettvangur
alþýðusögu frekar en önnur sögu-
tímarit okkar. Ég held að það sé
rétt stefna; Sagnir hafa líklega
einkum náð útbreiðslu vegna þess
að þær svala forvitni fólks um
fortíð sem hefur ekki verið með í
kennslubókum, yfirlitsritum eða
fagtímaritum. Að viðfangsefnum
til eru þær nýstárlegasta framlagið
til íslandssögunnar síðustu árin.
Nemendatímarit á að sumu leyti
auðveldara með að koma á vett-
SAGNIR
Tímarit um söguleg efni
11. árgangur 1990
SAGNIR 85