Uppeldi og menntun - 01.07.2013, Blaðsíða 128
Uppeldi og menntUn/icelandic JoUrnal of edUcation 22(2) 2013128
sJálfBærnimenntUn í leikskÓla
Eftir tveggja daga vinnu tók útileiksvæðið verulegum stakkaskiptum og vel er hægt
að merkja á útileikjum barnanna, og uppgötvunum sem tengjast því, ánægju þeirra
með breytinguna. Það eru komnir steinar til að klifra á, hólar og hæðir til að hlaupa
upp og niður af og skýli til að leita skjóls fyrir veðri og vindum. Síðast en ekki síst var
gróðursett í vermireiti vítt og breytt um svæðið; rabarbari, kryddjurtir og grænmeti
sem börnin forræktuðu í leikskólanum. Síðsumars nýttu börnin meðal annars rabarbar-
ann til sultugerðar með aðstoð kennara sinna og fóru með afreksturinn heim í krukk-
um. Á fésbókarsíðu leikskólans má sjá fréttir og myndir af því hvernig svæðið hefur
verið nýtt (Leikskólinn Tjarnarsel, e.d.).
Dæmi II: Sjónarmið barna
Síðastliðin ár hafa leikskólakennarar verið að leita leiða til að styrkja borgaravitund
barna og aðstoða þau við að koma sjónarmiðum sínum og ábendingum á framfæri
um ýmislegt sem betur má fara í bæjarfélaginu. Einn liðurinn í því var að koma með
ábendingu til hundaeigenda bæjarins.
Börnin í Tjarnarseli hafa í gegnum árin furðað sig á því hversu margir hundaeigend-
ur þrífa ekki upp saur eftir hundana sína. Oftar en ekki þurfa þau, í vettvangsferðum
sínum um nánasta umhverfi leikskólans, að sveigja fram hjá hundaskít eða einhver
stígur ofan á hann. Eftir miklar umræður og vangveltur ákvað hópur elstu barnanna
að teikna myndir og skrifa texta með aðstoð kennara sinna, með ráðleggingum til
hundaeigenda.
Ráð barnanna voru eftirfarandi:
• Þú sem átt hund, muna að þrífa eftir hann.
• Þú þarft að taka með þér poka.
• Þrífa upp kúkinn.
• Burt með hundaskít.
• Þetta gerir bæinn okkar ljótan.
(Leikskólabörn vilja hundaskítinn burt, 2012)
Síðan gengu börnin í stofnanir og fyrirtæki bæjarfélagsins, og fengu leyfi til að hengja
ráðleggingarnar upp. Undantekningarlaust var vel tekið á móti þeim.
Dæmi III: Þátttaka leikskólabarna í Grænum apríl og Degi umhverfisins
Í tilefni af Grænum apríl og Degi umhverfisins birtist fréttatilkynning frá leikskól-
anum í einu af bæjarblöðunum með þessa hvatningu
Í tilefni af Grænum apríl og Degi umhverfisins vilja leikskólabörn og kennarar Tjarn-
arsels hvetja alla bæjarbúa til að „Gera hreint fyrir sínum dyrum“. Umhverfisliðar í
Tjarnarseli ætla ekki að láta sitt eftir liggja og munu þann 25. apríl taka til hendinni á
Tjarnargötutorginu og í skrúðgarðinum. Börnin vilja endilega fá fleiri í lið með sér og
bjóða bæjarbúum að leggja sitt af mörkum og mæta á fyrrnefnda staði kl. 10.00 þann
dag. (Bæjarbúar geri hreint fyrir sínum dyrum, 2012)