Uppeldi og menntun - 01.07.2013, Qupperneq 147

Uppeldi og menntUn/icelandic JoUrnal of edUcation 22(2) 2013 147
GReTAR L . MARINÓssoN
MeNNTAvísINDAsvIðI HáskÓLA ísLANDs
Uppeldi og menntun
22. árgangur 2. hefti 2013
ADHD-handbókin
Ingibjörg Karlsdóttir í samvinnu við Ellen Calmon. (2013). ADHD og
farsæl skólaganga: Handbók. Reykjavík: Námsgagnastofnun. 65 bls.
Myndskreytingar eftir Sigrúnu Eldjárn.
Börn sem eiga erfitt með að halda athygli við leiki, verkefni og nám, virðast ekki
hlusta þegar talað er beint til þeirra; fylgja ekki fyrirmælum til enda og ljúka ekki við
verkefni; eiga erfitt með að skipuleggja verkefni og athafnir, áætla tíma, forgangsraða
og koma sér að verki; forðast viðfangsefni sem krefjast mikillar einbeitingar, týna og
gleyma. Allt eru þetta lýsingar á hegðun barna og fullorðinna sem við þekkjum. En í
þessari bók er fjallað um aðstæður þegar slík hegðun verður barninu og samferðafólki
þess til ama; þá heitir það ADHD. Börn með ADHD eru sífellt á ferðinni eða á iði,
tala mikið, eru hvatvís, grípa fram í og framkvæma án þess að hugsa. Kennurum er
nokkur vandi á höndum að ná árangri með slíka nemendur í skóla án aðgreiningar.
Efni bóKarinnar
Bókin fjallar um viðhorf til nemenda með ADHD; um orsakir, einkenni, tíðni og fylgi-
raskanir; um greiningu og meðferð og um kennslu grunnskólanema með ADHD. Sér-
stakir kaflar fjalla um unglinga með ADHD. Að lokum eru kaflar um þverfaglega
teymisvinnu. Í inngangi er tónninn sleginn: „Viss hegðunareinkenni koma oft fyrst
fram hjá börnum með ADHD þegar þau byrja í skóla…“ Starfsmenn skóla þurfa því
að læra að skilja og vinna með nemendum sem hafa fengið slíka greiningu á annan
hátt en með öðrum nemendum:
Fyrst og fremst ætti að líta á greiningu á ADHD sem vegvísi að viðeigandi fræðslu,
meðferð og úrræðum sem snúa að barninu og nærumhverfi þess … Í uppeldi og
skólastarfi er nauðsynlegt að virkja á jákvæðan hátt áhuga þeirra og kraft, viður-
kenna frávik þeirra í þroska og mæta þeim þar sem þau eru stödd (bls. 5–6).
Áherslan í þessari bók er því á uppeldi og kennslu nemenda með ADHD í skóla án
aðgreiningar. Sérstök áhersla er lögð á viðhorf þeirra sem umgangast nemendur: