Uppeldi og menntun - 01.07.2013, Side 139

Uppeldi og menntUn/icelandic JoUrnal of edUcation 22(2) 2013 139
Stoðir og stólpar
inngangUr
Hver dagur í skólanum mínum, Tjarnarskóla við Tjörnina í Reykjavík, er söguþráður.
Inn í þann þráð fléttast unglingarnir mínir (12–16 ára) starfsfólkið og foreldrarnir. Svo
getur þráðurinn spunnist í ýmsar áttir og getur verið misáferðarfallegur, rétt eins og
sögur geta oft orðið, getur jafnvel hlaupið í hnút í einhverjum tilfellum. Þá er bara
um að gera að hefjast handa við að leysa hann. Við keppumst auðvitað öll við að
söguþráðurinn vindist fallega og fái góðan endi því það er svo ánægjulegt og gefandi.
Nú, þegar ég stend enn og aftur á nýjum byrjunarkafla í skólastarfinu, skömmu eftir
skólasetningu í ágúst 2013, þegar þetta er skrifað, þá get ég sagt með sanni að ég
hlakka enn og aftur til að komast að því hvernig skólasagan verður í vetur. Sjá hvernig
þráðurinn spinnst áfram. Mikilvægir kaflar í sögunni eru einmitt heilbrigði og velferð
okkar allra sem störfum í gamla skólahúsinu við Tjörnina.
Eftir því sem árin hafa liðið hafa gefist tækifæri til að skoða heilu Tjarnarskóla-
kaflana með reynsluna í farteskinu. Sú reynsla er mér dýrmæt og hefur meðal annars
kennt mér að gott skólastarf verður að byggja á heilbrigði og velferð í sem víðustum
skilningi. Þessir mikilvægu þættir eru svo sannarlega meðal grunnstoðanna í fram-
vindu skólastarfsins hverju sinni. Jákvæðni og bjartsýni hafa einnig verið mín leyni-
vopn sem ég kýs að grípa til í tíma og ótíma og best er ef hlátur er ekki langt undan.
Greinin er hugleiðing höfundar eftir lestur ritsins Heilbrigði og velferð sem er eitt
af sex ritum sem Mennta- og menningarráðuneytið og Námsgagnastofnun gáfu út
til að kynna grunnþætti menntunar í aðalnámskrá leik-, grunn- og framhaldsskóla.
Höfundar ritsins eru þær Margrét Héðinsdóttir, Fanný Gunnarsdóttir og Erla Kristjáns-
dóttir. Heftið kom út vorið 2013.
jáKVÆtt ViÐHOrf – brOsKallinn Minn góÐi
Mér skilst að þegar við hlæjum leysist alls konar góð efni úr læðingi í líkamanum,
til dæmis eitt sem heitir endorfín. Í mínu uppeldi var mikið hlegið og slegið á létta
strengi og ég er svo lánsöm að hún mamma mín gat, þrátt fyrir Alzheimers á efri
MARGRÉT THeoDÓRsDÓTTIR
TJARNARskÓLA
Uppeldi og menntun
22. árgangur 2. hefti 2013