Frjáls verslun - 01.04.2006, Qupperneq 46

46 F R J Á L S V E R S L U N • 4 . T B L . 2 0 0 6
Þ
egar ég spurði íslenska stjórnendur hvort hægt væri
að tala um íslenskan stjórnunarstíl ypptu flestir
öxlum, þeir væru ekkert séríslenskir, hefðu lært
erlendis, starfað með útlendingum - þeir gerðu bara
eins og aðrir.
Sumum fannst það bara „íslenskt stærilæti“ að halda að
íslenskir stjórnendur skæru sig úr, aðrir bentu á að smæð íslensku
fyrirtækjanna mótaði stjórnunarstílinn. Þegar ég spurði útlendinga
var svarið einróma: „Já, það er til íslenskur stjórnunarstíll!“
Einn mesti munurinn á Íslendingum almennt og svo til dæmis
Norðurlandabúum er hvað við erum fámálug og þeir málglaðir.
Kannski hægt að tala hlutina í kaf - en það er
samt ekki alveg út í hött að ræða málin.
Ólíkur skilningur Íslendinga og útlendinga
á íslenskum stjórnunarstíl er vísbending um
að íslenskir stjórnendur eru ekki átakanlega
meðvitaðir um hvernig aðrir sjá þá. Þessi skiln-
ingsskortur er einnig vottur um grundvallar-
veikleika íslenskra fyrirtækja: tjáskipti - bæði
innan fyrirtækjanna og út á við.
Hvað einkennir íslenska stjórnendur?
En hvað er það þá sem útlendingum finnst ein-
kenna íslenska stjórnendur? Nánast allir nefna
fyrst af öllu hraða ákvarðanatöku. Síðan koma
atriði eins og ungur aldur stjórnenda, vilji til að
leysa málin, áhersla á frumkvæði og ábyrgð, óformleg framkoma
og umgengnisvenjur, góð og alþjóðleg menntun stjórnenda, flatt
skipulag fyrirtækja og að stjórnendur leituðu til þeirra sem best
væru að sér um viðkomandi atriði án tillits til hvar í virðingarstig-
anum þeir væru.
Í augum útlendinga er frumkvöðlayfirbragð á íslensku fyrirtækj-
unum, ekki yfirbragð þroskaðra fyrirtækja. Ýmsum fannst Íslend-
ingar hafa á sér bandarískt yfirbragð. Aðrir nefndu að þeir líktust
Finnum í því hve fámálir og einbeittir þeir væru.
Viðtöl við erlenda stjórnendur og starfsmenn íslenskra fyrir-
tækja sýna glöggt að þeir kunna almennt að meta íslenska andann,
kunna að meta snerpuna og hressileikann, þó
að þeim þyki eitt og annað umhugsunarvert í
stjórnun íslenskra fyrirtækja. Stærsti aðdáenda-
klúbbur íslensku fyrirtækjanna erlendis eru
útlendu starfsmennirnir þeirra!
Hröð ákvarðanataka: kostir og gallar
Af hverju eru íslenskir stjórnendur svona fljótir
að taka ákvarðanir? Eru Íslendingar kannski
bara miklu klárari en annað fólk? Þó að íslenskir
stjórnendur hafi stundum látið í veðri vaka í
erlendum fjölmiðlum að þeir kynnu einfaldlega
meira en aðrir og þeim gengi þess vegna svona
ofurvel, þá eru íslenskar sérgáfur tæplega rétta
skýringin hér.
Íslenska útrásin:
NOTA ÍSLENDINGAR
„SPAGHETTI“-STÍLINN?
Hvernig eru íslenskir stjórnendur í augum Norðurlandabúa?
Hverju taka Norðurlandabúar helst eftir í fari íslenskra
stjórnenda? Sigrún Davíðsdóttir blaðamaður hefur gert ítar-
lega úttekt á málinu og rætt við 26 íslenska og erlenda
stjórnendur, starfsmenn 9 íslenskra fyrirtækja á Norður-
löndum og blaðamenn þriggja norrænna dagblaða.
TEXTI: SIGRÚN DAVÍÐSDÓTTIR
MYNDIR: GEIR ÓLAFSSON
Í S L E N S K I R S T J Ó R N E N D U R Í A U G U M N O R Ð U R L A N D A B Ú A
Greinin er byggð á skýrslu sem
Sigrún Davíðsdóttir vann fyrir
Útflutningsráð á vegum IMG ráð-
gjafar, „Íslensk fyrirtæki á Norð-
urlöndum: Aðferðir og orðspor.“
Skýrslan byggist á viðtölum við
26 íslenska og erlenda stjórn-
endur og starfsmenn 9 íslenskra
fyrirtækja og blaðamenn þriggja
norrænna dagblaða. Skýrslan
er bæði á íslensku og ensku
og hana má nálgast á vefsíðu
Útflutningsráðs og IMG.