Frjáls verslun - 01.04.2006, Side 65

F R J Á L S V E R S L U N • 4 . T B L . 2 0 0 6 65
Hversu mikið ójafnvægi er í efnahagsmálum á Íslandi?
Hvernig getur Ísland freistað fleiri erlendra fjárfesta? Er
aðild að ESB vænleg fyrir íslenskt viðskiptalíf? Allt til-
komumiklar spurningar og á meðal þeirra sem lágu fyrir
fundinum.
Ekki stormur heldur moldviðri
Halldór Ásgrímsson forsætisráðherra ræddi um efna-
hagslífið á Íslandi. Það var svo sem ekki við því að búast
að forsætisráðherra landsins myndi lýsa því yfir að hag-
kerfið hér væri í kalda kolum en ræða hans sem hann
flutti á ensku hljómaði þó miklu fremur sem ímyndar-
áróður, sem ætti sér pólitískar og þjóðlegar rætur, heldur
en greining á efnahagslífinu.
Það var heldur ef til vill ekki tilgangurinn hjá honum
að greina efnahagslífið þar sem áðurnefndir fjölmiðlar,
og þar á meðal nokkrir erlendir, voru á meðal áheyrenda,
heldur að sannfæra þá og forráðamenn erlendra banka
og stórfyrirtækja um að hérlendis væri allt í himnalagi.
Halldór fór hratt yfir sögu síðustu ára, meintan óró-
leika í efnahagslífinu og umfjöllun erlendra fjölmiðla.
,,Ísland hefur vissulega fengið sinn skammt af raunveru-
legum, náttúrulegum óveðrum í gegnum aldirnar, en ég
spyr hvers vegna hagkerfi sem vex mjög hratt og er eitt
af þeim ríkustu og samkeppnishæfustu, lendir í umróti og
umfjöllun eins og raun ber vitni að undanförnu?“ spurði
Halldór.
Skýringanna taldi hann meðal annars að leita í víð-
feðmu þekkingarleysi á íslenska hagkerfinu erlendis.
,,Það er sú lexía sem þessi óróleiki hefur kennt okkur og
það er lexía sem við tökum alvarlega. Nú þegar höfum
við tekið mikilvæg skref til þess að auk upplýsingaflæði
um íslenskt efnahagslíf erlendis. Þetta á við um íslensk
fyrirtæki sem starfa á alþjóðamarkaði - en sérstaklega
um bankana og stjórnvöld.“
Halldór sagðist hafa misst tölu á öllum þeim viðtölum
sem hann hefði veitt erlendum fjölmiðlum undanfarnar
vikur, þar sem hann útskýrði undirstöður og einkenni
íslensks efnahagslífs.
,,Ég hef útskýrt hvers vegna við séum sannfærð um,
þegar rykið fellur aftur til jarðar eftir það moldviðri sem
þyrlað hefur verið upp, að íslenska efnahagskerfið verði
áfram eitt af þeim ríkustu, samkeppnishæfustu og þeim
sem vaxa örast í heiminum.“
Sjálfstraust er líka hugarfar
En hvers vegna var forsætisráðherra svona fullur sjálfs-
trausts? Hann sagði að hið trausta efnahagslíf hér á landi
birtust m.a. í miklum lífsgæðum og litlu atvinnuleysi.
EES-samningurinn; kvótakerfi í sjávarútvegi sem
stuðlaði að sjálfbærri þróun meginauðlindar þjóðar-
innar; einkavæðing ríkisfyrirtækja; hröð niðurgreiðsla
erlendra skulda ríkisins á undanförnum árum; sterkir
lífeyrissjóðir; breytingar á skattakerfinu og lækkun
skatta á fyrirtæki væru á meðal atriða sem hefðu rennt
styrkum stoðum undir íslenskt efnahagslíf undanfarin
tíu til fimmtán ár.
,,Vitaskuld höfum við okkar vandamál, en sem þjóð
getum við ekki kvartað þegar við berum okkur saman við
mörg önnur lönd.“
R Á Ð S T E F N A T H E E C O N O M I S T
TEXTI: UNNUR H. JÓHANNSDÓTTIR
MYNDIR: GEIR ÓLAFSSON
Frá rástefnu The Economists á Nordica hóteli. Þór Sigfússon, forstjóri Sjóvár, Nenad Pacek, forstöðumaður greiningar-
deildar tímaritsins The Economist og ráðstefnustjóri, sitja við pallborðið.