Frjáls verslun - 01.04.2006, Qupperneq 78

78 F R J Á L S V E R S L U N • 4 . T B L . 2 0 0 6
SUMARIÐ ER TÍMINN
Davíð Oddsson seðlabankastjóri
og eiginkona hans eiga sumar-
bústað í Rangárvallasýslu. Þau
hafa verið iðin við trjáræktina við
bústaðinn „en allt þó í smáum
stíl“. Árið 1995 var gerður samn-
ingur við Skógræktarfélag Rangæ-
inga hvað varðar gróðursetningu
í landi Móeiðarhvols en félagið
hefur gróðursett um 200.000
plöntur í landi hjónanna. „Þarna
er vindgangur og mikill blástur,“
segir Davíð en trén eru bæði til
skrauts og skjóls. Hann segir
bústaðinn vera á fallegum stað og
er fjallahringurinn tilkomumikill.
Davíð segir að þessi tómstunda-
iðja kenni sér mikla þolinmæði en
hjónin huga vel að hverri plöntu
sem þau gróðursetja. „Við gröfum
djúpar holur, setjum skít í þær og
vöndum okkur. Þessu fylgir líka
ákveðin slökun og ég kemst í
tengsl við náttúrulega tilveru; ég
fylgist meðal annars með fuglum
og skráset ýmislegt í tengslum
við þá. Það er heilmikil kúnst að
læra að vera með sjálfum sér í
þúfunum.“
Íslensk náttúra er einstök í
huga Davíðs. „Hún tekur við sér
með tregari hætti en víða annars
staðar og er lengi að nugga stír-
urnar úr augunum á vorin. Það er
gaman að fylgjast með þessari
tregu framþróun náttúrunnar sem
er lágreist og kyrrlát.“
Eiginmaður Ástu Möller alþing-
ismanns var forfallinn hesta-
maður þegar þau kynntust árið
1979 og hún ákvað að taka
fullan þátt í þessu áhugamáli
hans. Í dag eiga hjónin og
börn þeirra nokkra hesta og
ríður alþingismaðurinn mest
út á sumrin. „Hápunkturinn er
þegar við förum með félögum
okkar í hestaferðir sem taka
um viku. Þessar ferðir eru stór-
kostlegar.“ Í sumar er ætlunin
að ríða frá Þingvöllum og í
kringum Langjökul.
Aðspurð hvað einkennir
góðan hest segir Ásta: „Hann
þarf að vera skapgóður, það
þarf að vera traust á milli hests
og manns þannig að hesturinn
geri ekki einhverjar kúnstir og
taki ekki óvænt á sprett. Hann
þarf að hafa mjúkt og gott tölt
og vera þolgóður.“
Hestur Ástu heitir Lávarður
og segir hún hann einmitt
vera traustan, góðan töltara,
góðan í langferðum, fótvissan
og almennt góðan hest. �Þetta
er hestur sem allir geta unað
við. Það er eins og að sitja í
sófa þegar ég ríð honum. Ég vil
meðfærilega hesta.“
Alþingismaðurinn segir að
hestamennskan gefi fjölskyld-
unni góðar stundir saman.
„Þetta er fjölskyldusport. Það
myndast góður félagsskapur
í kringum hestamennskuna
og svo vil ég nefna útiveru og
góða hvíld. Það kemst ekkert
annað að þegar ég er í hesta-
mennskunni. Áhyggjurnar rjúka
í burtu.“
Til skrauts og skjóls
Útivera og góð hvíld
Davíð Oddsson:
Ásta Möller:
Davíð Oddsson.
Ásta Möller.