Frjáls verslun - 01.04.2006, Qupperneq 121

Jón Sigurðsson, forstjóri Össurar,
og eiginkona hans festu árið 2000
kaup á gamalli bújörð á Suðurlandi
og þar er þeirra annað heimili.
Hjónin dvelja þar ásamt börnum
sínum allt sumarið en á veturna
skreppur fjölskyldan austur þegar
tækifæri gefst. Hjónin stunda
trjárækt á gömlu bújörðinni og í
gömlu útihúsunum er geymdur
traktor og annar vélakostur sem
fylgir búskapnum. „Við erum í sam-
starfi við Suðurlandsskóga og við
hjónin höfum plantað um 200.000
trjám.“
Fyrir utan að planta trjám þarf
að halda öllu við; setja upp girð-
ingar, búa til vegarslóða og svo
má lengi telja. Jón bendir á að
hann hafi alltaf jafnmikið að gera
þótt hann sé í sumarfríi hvað Össur
varðar.
„Þessu fylgir mikið frjálsræði og
það er gott að skipta um umhverfi.
Vandamálin í sveitinni eru af allt
öðrum toga en hér í bænum.
Þessu fylgja ákveðin hughrif sem
eru frábrugðin þeim sem ég finn
fyrir í þéttbýlinu. Við hjónin erum
samhent í þessu og þetta hefur
veitt okkur meira en við ætluðum
í upphafi.“
Heimilið í sveitasælunni
Jón Sigurðsson:
F R J Á L S V E R S L U N • 4 . T B L . 2 0 0 6 121
Bjarni Hafþór Helgason er
framkvæmdastjóri fyrirtækis-
ins Hildings ehf. á Akureyri.
Hann segist vera mikill nátt-
úruunnandi og veikur fyrir því
að fara um hálendið.
„Mér líður aldrei eins vel
og þegar ég er að aka um
Ísland. Mér þykir vænt um
landið mitt og ólst upp við
að bera virðingu fyrir því og
gæðum þess. Ég er meiri nátt-
úruverndarsinni en margir sem
hafa hátt um það. Ísland er
hreint land og fjölbreytt. Eftir
því sem árin færast yfir geri
ég mér betur grein fyrir því
hve mikil forréttindi það eru
að vera Íslendingur og búa á
þessari eyju. Ég nefni nálægð-
ina við náttúruna og hennar
villtu dýr; við erum alltaf í
seilingarfjarlægð frá þessum
ómældu gæðum.“
Bjarni Hafþór telur íslensku
vorkomuna vera eitt stórkost-
legasta fyrirbrigði sem til er.
Hann á það til að keyra um
nágrenni Akureyrar, telja fugla
og skoða hegðunarmynstur
dýranna á svæðinu. „Fyrir mér
er þetta mesta veislan.“
Stórkostlegt land
Bjarni Hafþór Helgason:
Jón Sigurðsson með sonum sínum.
Bjarni Hafþór Helgason.