Tímarit Máls og menningar - 01.07.1946, Page 4

114
TÍMARIT MÁLS OG MENNINGAR
5. Þegar ráðherra Sósíalistaflokksins skorar á hina flokkana á opnum fundi
Alþingis að svara því afdráttarlaust, hvort þeir vilja leigja herstöðvar eða ekki,
fást þeir ekki til að gefa svar.
6. Undir landráðaerindi fást fundarhús á íslandi, en ekki undir umræðufund
stúdenta um sjálfstæðismál Islands.
7. Blöð allra flokka annarra en Sósíalistaflokksins, Vísir, Morgunblaðið, Al-
þýðublaðið og Tíminn, hafa mánuðum saman neitað að birta fréttir, sem voru
til stuðnings málstað íslendinga í sjálfstæðismálinu.
7. Stærsti flokkur þjóðarinnar, er kennir sig við sjálfstæði, hefur beitt sér
fyrir að hindra það, að á þjóðhátíðardegi íslendinga kæmu fram kröfur um
brottför Bandaríkjahersins, og blað þessa flokks, stærsta málgagn landsmanna,
hefur lýst það landráðastefnu og vanhelgun á 17. júní að bera slíka kröfu fram.
9. Ráðherra þessa sama flokks, forsætisráðherra landsins, hefur ekki enn
fengizt til að afgreiða í ríkisstjórninni tillögu frá ráðherrum Sósíalistaflokks-
ins frá 15. apríl s.l. um að krefjast brottfarar hersins.
10. Sósíalistaflokkurinn hefur skrifað Sjálfstæðisflokknum og Alþýðuflokkn-
um bréf og boðið upp á framhaldandi stjórnarsamstarf á þeim grundvelli, að
engar herstöðvar verði leigðar. Hvorugur flokkurinn fæst til að gefa svar við
þessu.
Þessari þungu ákæru svöruðu andstæðingablöðin ekki einu orði. Þau gerðu
ekki tilraun til að bera sökina af sér eða flokkum sínum. í stað þess að hrekja
ummæli mín birtu ritstjórar Morgunblaðsins svohljóðandi klausu á forsíðu
blaðsins: „Kristinn E. Andrésson hefur í mörg ár verið þfónn erlends her-
veldisSlík er bardagaaðferðin, þegar um er að tefla helgasta mál íslands, og
með henni hefur Valtýr Stefánsson, ritstjóri Morgunblaðsins, brennimerkt sig
á þann hátt, að ekki skal gleymt. En sakirnar eru vissulega fleiri en taldar eru
í þessum liðum. Miðstjórn Sjálfstæðisflokksins gaf út þá yfirlýsingu rétt fyrir
kosningar, að hún vilji ekki ljá neinu erlendu herveldi herstöðvar á Islandi,
en gætfi sín þó að bæta við: Á FRIÐARTÍMA. Nokkrum dögum síðar hélt
Morgunblaðið því fram, að hér væri ekkert amerískt herlið, heldur aðeins sér-
fræðingar til að gæta flugvallarins í Kefiavík!
Það á eftir að koma í ljós, hvaða aðferðir hinir „innfæddu" (eins og Banda-
ríkjamenn mundu orða það) hafa í frammi til að tryggja hér dvöl hersins. Um
afstöðu sjálfrar þjóðarinnar er ljóst. Bæði alþýða og menntamenn hafa með
fjöldasamþykktum lýst skýlausri kröfu um brottför hersins. En fjöldi hinna
sömu manna, er þessar kröfur hefur gert, hefur í kosningunum látið blekkja
sig til að styðja flokka, sem ekki er treystandi til að hlíta vilja almennings.
Einna raunalegast er, að Sjálfstæðisflokksbændur í Þingeyjarsýslu skyldu láta
flokksforystuna hafa sig til þess ódæðis að kjósa opinberan postula landsölu-
stefnunnar, mann úr öðrum flokki, á þing.
Megi íslenzka þjóðin bera gæfu til að opna augun í tæka tíð fyrir þeim
svikum, sem í undirbúningi eru við sjálfstæði landsins.
Megi svo fara, að það sé ekki þegar um seinan.
Kr. E. A.