Tímarit Máls og menningar - 01.09.1965, Qupperneq 8
Tímarit Máls og menningar
ingarfullri auðmýkt, og fá kannski aldrei uppfyllta ósk óskanna: að verða
einu sinni mettuð.
Ekki dregur úr fátæktinni í Indlandi. Veldur því ekki hvað sízt hin öra
fólksfjölgun í landinu, sem nemur á ári nálega samanlagðri íbúatölu Noregs
og Svíþjóðar. Framleiðsluaukning matvæla heldur naumast í við fólksfjölg-
unina. Special Fund hefur veitt Indlandi meiri tækniaðstoð en nokkru öðru
landi.
Hver er ástœðan til að ekkert þokast úr skorðum? Var ekki gerð áœtlun
um framkvœmd sósíalisma í landinu?
Ekki ein, heldur margar ástæður torvelda hina efnahagslegu framþróun,
og eins og ég gat um áður má telja hina öru fólksfjölgun veigamestu orsökina
(fólksfjölgun í flestum þróunarlöndum er nálægt því 50% örari en í Evrópu
og N.-Ameríku). Af öðrum auðsæjum ástæðum mætti nefna erfðavenjur,
trúarlegs eða siðfræðilegs eðlis, er hamla gegn skynsamlegri hagnýtingu lands
(t. d. bann við slátrun nautgripa), svo og mannmergð landsins og víðáttu.
Vandamál þessi krefjast öflugrar stjórnar og góðs skipulags.
Verið er að framkvæma þriðju fimm ára áætlun Indlands, en þessar áætl-
anir munu í meginatriðum hafa sósíalistískt snið. Framkvæmd þeirra þátta
áætlunarinnar, sem mér eru helzt kunnir (bygging áburðarverksmiðja og
áveituframkvæmdir), eru mikið á eftir áætlun, og vekja einmitt þessi atriði
ótta um, að enn kunni að síga meira á ógæfuhlið um framleiðslu matvæla í
landinu.
Ferðaðist þú víða um í Indlandi?
Já, ég ferðaðist í sambandi við starf mitt allvíða um landið: frá Delhí til
Rajasthan-héraðs vestar í landinu, þaðan til Ahmedabad og suðurstrandar
Indlands; til Bombay og til Bangalore og Calcutta. Svo skrapp ég sem ferða-
maður til borgarinnar Agra, þar sem er hið víðfræga og undurfagra musteri
Taj Mahal.
Er ástandið nokkuð betra í Suðurameríku en á Indlandi, eða eru þar önnur
vandamál?
Ég er hvorki kunnugur S-Ameríku eða Indlandi, en í hálöndum Perú veit
ég að rýrt land, mikið þéttbýli og ákaflega frumstæðir búnaðarhættir skapa
afkomendum hinna frægu Inka mjög kröpp kjör. Þó virtist mér fátæktin ekki
eins óbærileg þar eins og t. d. í Calcutta. Vandamál S-Ameríku eru ef til vill
118