Tímarit Máls og menningar - 01.09.1965, Qupperneq 119

ur ekki varað sig sem skyldi á þessari
Kristsummyndun guðspjallanna.
Loks skal hér bent á nokkrar smávillur
sem slæðst hafa inn:
I. bindi, bls. 24: „Servius skipti ættsveit-
unum í 35 nýjar ættsveitir.“ Fram á þriðju
öld voru ættsveitirnar 21 að tölu, hinum 14
var ekki bætt við fyrr en á þriðju öld.
I. bindi, bls. 33: Konumyndin er ekki úr
„Etrúskagröf í Corneto“ heldur er hana
að finna í svonefndri Ljónagryfju í Tar-
quiniu.
I. bindi, bls. 98: „Þegar Rómverjar komu
fyrst fram í dagsbirtu sögunnar, voru jarðir
í einkaeign." Á sjöttu öld f. Kr. var jarð-
næði yfirleitt sameign ættflokksins eða í
eigu borgríkisins — ager publicus.
II. bindi, bls. 156: „Belgica tók yfir hluta
af Frakkiandi og Sviss.“ Hún takmarkaðist
að austanverðu af Vogesafjöllum sem
skipta enn löndum með Frökkum og Sviss-
lendingum.
Tvær villur skrifast á kostnað þýðanda
og prófarkalesara. II. bindi, bls. 157: „Þar
tók bronsöld við af jámöld sex öldum fyr-
ir Kristsburð." Þarna hafa orðið orðavíxl:
járnöld tók við af bronsöld.
I. bindi, bls. 78: „Pentates, innanhúsguð-
ir,“ á að vera penates.
Umsagnir um bœlcur
Eftir þessar aðfinnslur skal það árótíað,
sem gefið var í skyn í upphafi, að Róma-
veldi er í flokki beztu alþýðlegra sagn-
fræðirita sem þýdd hafa verið á íslenzku.
Það er bráðskemmtilegt aflestrar og ber
eigi síður að þakka það þýðandanum, Jón-
asi Kristjánssyni, en höfundi sjálfum. Er
óhætt að fullyrða að fegurra og fjölskrúð-
ugra mál er vandfundið á þýddri bók á ís-
lenzku. Má þó ætla að verkið hafi ekki ver-
ið auðleyst því að stíll Durants er jafnan
samþjappaður og stundum knúsaður. Ef til
vill hefur það létt undir að þýðanda var
fyrir lagt að stytta verkið lítillega. Var hon-
um því frjálst að draga saman sums staðar
og fella niður einstaka kafla sem ekki þóttu
skipta meginmáli. Vissulega hefði verið
æskilegast að komast hjá þessari styttingu,
en þýðandinn hefur yfirleitt valið vel, að
því er bezt verður séð.
Næst mun í ráði að gefa út bindið um
Grikkland, en það er ásamt Rómaveldi tal-
ið bezta verk Durants. Er skylt að lofa
Menningarsjóð fyrir framtakið og sam-
fagna þeim sem hafa gaman af að „skyggn-
ast bak við tjald fortíðarinnar" með Dur-
ant.
Lojtur Guttormsson.
229