Tímarit Máls og menningar - 01.06.1997, Page 92

GÍSLl BRYNJÚLFSSON
Bláu fjöll, þið bendið mér,
bláleit elfan líður,
gras í hlíðum grænum er
gljúfrabúinn fríður;
heim mér býður hlíð og grund
heirn mig dalir kalla
vildi eg una alla stund
undir jökulskalla.
Yndis mér fá eigi neins
öldur hér á ströndum
þó að gnauði allar eins
og á Rauðasöndum;
hugþekk var mér hamragrund
heima ölduniður,
bláu tindar, bárusund,
blessan fylgi yður!
Nú er Holm nærri því búinn að „mála“ mig upp aftur og vona eg eg geti sent
myndina heim með biskup kannské „ferniseraða". Nú bið eg að heilsa Guðrúnu og
öllum Melsteðonum kærlega, R Havsteen ef hann er í Vík, en umfram allt biskups-
frúnni og í Dr. húsið, líka bið eg að heilsa Stebba, Jónasi og Boga og get eg ei verið
að skrifa þeim þar sem þeir koma strax, segðu einkum Boga ef þú sérð hann að þó
eg ei hafi skrifað honum þá hafi það ei komið af því að eg sé búinn að gleyma honum,
heldur því að eg vissi ei hvört eg átti að skrifa honum suður, vestur eða norður, nei
til einkis komu hingað í sumar hlakka eg eins og Boga. Og vertu nú sæl elskaða móðir
mín! Það er ekki nema einn vetur þangað til þú sérð mig og glaður mun eg þá verða
að sjá þig heila og heilbrigða —
Þinn til dauðans elskandi sonur
Gísli Gíslason.
Skýringar. Siemsen: Carl Franz Siemsen kaupmaður í Reykjavík. flutt úr gamla bœnum:
Guðrún fluttist ffá Landakoti til væntanlega tengdafólks í Laugarnesi þetta ár. biskupinn:
þ.e. Helgi G. Thordersen. frúnni og Stefáni: þ.e. Ragnheiði Thordersen og Stefáni syni
hennar. Grimur. Grímur Thomsen. Konráð: Konráð Gíslason; kærasta hans hét Ane
Mathilde Petersen og sögð 24 ára þegar hún lést 15.júní 1846ogjarðsett 19.s.m.Banamein
hennar var „Betændelsesfeber“ samkvæmt kirkjubók. Konráð fór síðsumars til Þýskalands
sér til heilsubótar. Brynjólfur Pétursson sagði Jóni bróður sínum tíðindin með þessum
orðum: „Hann var búinn að trúlofa sig ungri stúlku og ætlaði þegar að fara að gifta sig,
en hún varð veik og dó og hefir hann tekið sér það ógnarlega nærri“. Brynjólfur vék einnig
að Konráði í bréfi til Gríms Thomsens 6. desember 1846 og sagði hann hefði verið í
Þýskalandi og víðar á þriðja mánuð og bætti svo við: „Síðan hann kom heim hefur hann
sökkt sér niður í erfiði, enda er hann nú farinn að verða manneskjulegur aftur“. Examens-
dögum: prófdögum. Brynjólfur Pétursson greindi Grími Thomsen ffá því að þeim Gísla
og Jónasi Guðmundsyni hefði gengið misjafnt í prófunum: „Gísli fékk eitt non (í
mathematík) eitt laud og hitt haud; Jónas fékk 4 præ og 1 laud“. Brynjólfur frœndi:
Brynjólfur Snorrason. Stefán: Stefán Oddsson Thorarensen. Uppi til dimissionsexamens:
burtfararprófs frá Borgardygðaskólanum. Hemmert Andreas Hemmert kaupmaður.
Holm: sennilega Just Jean Christian Holm „Portrætmaler". Guðrúnu og öllum Melsteð-
onum: Guðrún Pálsdóttir Melsteð. Hún átti heima í Landakoti hjá nöfnu sinni P. Havsteen:
Jörgen Pétur Havsteen síðar amtmaður. Biskupsfrúnni: Ragnheiði Thordersen. Dr. húsið:
hús Jóns Thorstensens landlæknis. Stebba, Jónasi og Boga: Stefáni Helgasyni Thordersen,
Jónasi Jónssyni Thorstensen og Boga Bjarnasyni Thorarensen; þeir urðu allir stúdentar
þetta vor.
A.K.
90
TMM 1997:2