Skírnir - 01.04.1990, Page 161

SKÍRNIR
SAMEINING EVRÓPU ...
155
að það að stunda sjó eða vera bóndi er lífsform sem ákveðin menning
á rætur í. Þess vegna m.a. er ekki lagt sama mat á fiskveiðar og land-
búnað og aðrar atvinnugreinar.
Viðhorf minnihlutahópa
Stundum er því haldið fram að innan EB sé unnið að því að afnema öll
menningar- og þjóðernisleg séreinkenni þegnanna og steypa þá í sama
mótið. Ef til vill eru sterkustu rökin gegn þessari fullyrðingu, og öðrum
af sama tagi, yfirgnæfandi stuðningur minnihlutahópa í Evrópu við
bandalagið. Skoskir þjóðernissinnar og t.d. fylkin í Vestur-Þýskalandi
sjá möguleika á aukinni sjálfstjórn innan Evrópubandalagsins. Skotar
hafa lýst sig viljuga til samvinnu við Englendinga í Brussel og Strass-
borg en ekki í London og fulltrúar fylkja í Þýskalandi vilja eigin fulltrúa
í Brussel. Þetta sama gildir um önnur Evrópuríki þar sem héruð hafa
meiri eða minni sjálfstjórn, t.d. Belgíu. Ef til vill fallast Flæmingjar og
Vallónar í faðma í Brussel undir merkjum EB, en annars ekki. Fólk sér
meiri möguleika á að njóta sín innan stærri heildar. Skotar sætta sig
frekar við atkvæðagreiðslur í Strassborg en London. Þetta er stjórn-
málalega hliðin, en um hana er sjaldan rætt utan EB.
Evrópubandalagið beitir sér á mörgum sviðum til að tryggja tilveru
minnihlutahópa, styrkja menningu innan EB og hvetja fólk til aukinna
samskipta sem stuðli að gagnkvæmum skilningi á milli ólíkra þjóða.
Nefna má tillögur framkvæmdanefndarinnar er beinast að því að efla
og tryggja menningarstarfsemi, t.d. tillögur sem miða að verndun
höfundarréttar á hugverkum. Auðvitað hafa tillögur sem varða sjón-
varps- og myndefni vakið mesta athygli en samskonar tillögur miða og
að því að tryggja rétt rithöfunda og bæta kjör þeirra.
Sameiginlegur markaður og menningin
Á vegum danska menningarmálaráðuneytisins var gerð ítarleg athugun
á hugsanlegum áhrifum sameiginlega markaðarins á danskt menningar-
líf.1 Var bæði reynt að meta áhrif til góðs og ills.
1 Det indre marked og kulturen. Kaupmannahöfn: Kulturministeriet, júní
1989.