Gerðir kirkjuþings - 01.01.2013, Side 116

116 117
A2 Fermingarstarf
Markmið:
Fermingarstarfinu er ætlað að styrkja trúarvitund barnanna, kenna þeim grundvallaratriði
kristinnar trúar, virkja þau í starfi kirkjunnar og vekja með þeim áhuga og jákvæða sýn á
starf og tilvist kirkjunnar.
Mikilvægt að taka mið af misjafnri getu barna til lestrar og þess að leysa skrifleg verkefni.
Enginn ætti að þurfa að þola niðurlægingu vegna skorts á getu í samhengi kristinnar
fermingarfræðslu.
Fjölbreytt námsefni og breidd í kennsluháttum.
Virkja fjölskyldu fermingarbarnsins til þátttöku og samstarfs.
Greinargerð.
Almennt viðhorf fræðslustefnunnar var að mikilvægt væri að taka fermingarfræðsluna
sérstaklega fyrir. Brýnt að vanda þar svo vel til verka sem kostur er. Reynsla nágrannaþjóða
sýnir að hlutfall þeirra sem vilja fermast á kristnum forsendum getur fallið á stuttum
tíma. Enn sem komið er hefur það ekki gerst hér á landi en þó gætir tilhneigingar í þá
átt. Mikilvægt er að líta ekki á fermingarfræðsluna á sama hátt og hefðbundið skólastarf.
Kirkjan fær aðgang að börnunum í takmarkaðan tíma og mikilvægt að nota þann tíma vel,
ekki einungis til að fræða um tiltekna þætti heldur ekki síður að skapa jákvæða sín á það
starf sem unnið er í kirkjunni og það hlutverk sem köllun hennar er að rækja. Án þess að
gert sé lítið úr hlutverki fræðslunnar þá er kannski enn mikilvægara markmið að sérhvert
fermingarbarn taki með sér góða minningu um áhugavert og gefandi starf og jákvæða
mynd af þeim sem það starf leiddu. Gjarnan fer það svo að þarna mótast sú mynd sem
viðkomandi einstaklingur gerir sér af kirkjunni í heild.
Verkefni:
Fermingarfræðslu fylgt eftir samkvæmt námsskrá
Þróa ítarefni og ólíkar aðferðir í fermingarfræðslu
Auka samstarf við foreldra
Fylgja fermingarstarfinu eftir með samskiptum og samveru.
A3 Unglingastarf – unglingar og ungt fólk
Markmið:
Starf Þjóðkirkjunnar meðal unglinga og ungs fólks miðar að því að efla þau og styðja og
stuðla þannig að jákvæðri lífssýn og sterkri sjálfsmynd í trú á Guð. Jafnframt að ala upp
framtíðarleiðtoga í kirkjulegu starfi.
Skapa raunhæfan valkost til þátttöku í kirkjulegu starfi eftir fermingu.