Gerðir kirkjuþings - 01.01.2013, Blaðsíða 27

27
stjórn og starfshætti þjóðkirkjunnar nr. 78/1997(lagt er til að ákvæði um úrskurðarnefnd og
áfrýjunarnefnd falli brott úr lögunum og að fjárstjórnarvald færist til kirkjuþings).
15. mál 2013. Tillaga til þingsályktunar um kaup og sölu fasteigna.
Lagt er til að kirkjuþing veiti heimild til sölu tiltekinna fasteigna í eigu kirkjumálajóðs. Er
að mestu leyti um sömu fasteignir að ræða og kirkjuþing 2012 samþykkti að seldar yrðu
að frátöldum þeim sem þegar hafa verið seldar.
16. mál 2013. Tillaga til þingsályktunar um miðaldadómkirkju í Skálholti.
Í samræmi við samþykkt kirkjuþings árið 2012 í máli, hugðist kirkuráð flytja tillögu
þessa. Forsvarsmenn verkefnisins um miðaldadómkirkju (tilgátuhús) í Skálholti tilkynntu
kirkjuráði þann 27. október 2013 að þeir hefðu hætt við áform sín. Af því leiðir að kirkjuráð
ákvað á fundi sínum þann 31. október 2013 að draga málið til baka.
17. mál 2013. Tillaga að starfsreglum um samkirkjunefnd.
Kirkjuráð flytur tillögur að nýjum starfsreglum um samkirkjuleg mál þjóðkirkjunnar. Lagt
er til að kirkjuþing taki forystu í málaflokknum og móti formlega stefnu þjóðkirkjunnar á
sviði samkirkjulegra mála, en kirkjuráð annist framkvæmdina. Í núgildandi reglum hefur
biskup Íslands að mestu leyti borið ábyrgð á samkirkjulegum málum og framkvæmd
þeirra.
Svið kirkjuráðs
Fasteignasvið
Um fasteignanefnd
Samkvæmt 5. gr. starfsreglna um prestssetur og aðrar fasteignir þjóðkirkjunnar nr.
950/2009, skipar kirkjuráð þriggja manna fasteignanefnd þjóðkirkjunnar til fjögurra
ára og þrjá varamenn til sama tíma. Í nefndinni eru kirkjuþingsfulltrúarnir Bjarni Kr.
Grímsson, formaður, Margrét Jónsdóttir og sr. Svavar Stefánsson. Kirkjuráð hefur sett
nefndinni erindisbréf en verkefni hennar eru tiltekin nokkuð nákvæmlega í starfsreglum.
Um störf fasteignasviðs
Fasteignasvið Biskupsstofu hefur með höndum umsýslu og rekstur fasteigna
kirkjumálasjóðs og fylgir eftir ákvörðunum fasteignanefndar.
Fasteignir kirkjumálasjóðs eru um 100 talsins, þar af 59 prestssetur og 3 biskupssetur.
Fasteignasvið sinnir almennum daglegum rekstri og umsýslu fasteigna undir stjórn
fasteignanefndar og sviðsstjóra. Hlutverk kirkjuráðs hvað varðar fasteignir er einkum,
nýbyggingar fasteigna, kaup og sala fasteigna, staðfesting langtímasamninga o.fl. Helstu
verkefni sem kirkjuráð hefur unnið að varðandi fasteignir eru sem hér segir:
Kálfafellsstaður, Hornafirði.
Jörðin hefur verið seld.
Tröð, Skeiða- og Gnúpverjahreppi
Jörðin hefur verið seld.