Orð og tunga - 01.06.1988, Side 71

Guðrún Kvaran: Sérsöfn Orðabókar Háskólans
59
28. desember 1932 sendir Þórbergur frá sér bréf til manna sem áður höfðu heit-
ið honum stuðningi við söfnunina. Biður hann þá að senda sér orðalistana þar
sem hann þurfi nú á þeim £ið halda. Mér hefur þó ekki tekist að finna neitt í
dagbókunum sem bendir til þess að Þórbergur hafi unnið frekar úr safni sínu.
Hjá Orðabók Háskólans eru varðveittir sex kassar frá Þórbergi með um það bil
7.500-8.000 seðlum. Aftan við stafrófsröðina í síðasta kassanum eru tvö lítil söfn,
annað um gæluorð hitt dýraheiti. Ekki eru allir seðlarnir frá sama tíma. Það má
sjá af rithendi Þórbergs. Stofninn er hreinskrift sú sem hann nefnir í Tímanum
12. júní 1922, en þar segist hann vera búinn að hreinrita 3.888 orð úr „mæltu
alþýðumáli“. Framan við a er lítil skrá um heimildarmenn og skammstafanir en
hún nær ekki nema yfir hluta af þeim nöfnum sem nefnd eru á seðlunum. Síðar
hefur Þórbergur bætt við talsverðu af nýjum seðlum.
S • D JÓXo PpZJyiLtj^ i, ua-c^:
HotXS c^. cti j’Ptf'í'-ajáýí'ísu^ cULo.
CxX fylLwwi tym <xC pJ í-vw LU>'-rKCUH^~i Jf X^í.t-C> 0-^ i‘-vl£uX'
UA ijlú fyXfi i cUcöttújiinvi o-ncUéoA Jdpj;
Sðéu-PfrJfli jjjyiAM'fciL
Mynd 4: Sýnishorn úr orðasafni Þórbergs Þórðarsonar.
Mestar heimildir hefur Þórbergur frá Steinþóri bróður sínum á Hala í Suður-
sveit en einnig talsvert frá öðru fólki í sveitinni, m.a. frá Oddnýju Sveinsdóttur
sem hann segir frá í Bréfi til Láru og hefur haft miklar mætur á. Einnig er all-
mikið af vestfirskum orðum en á Vestfjörðum hóf Þórbergur söfnun sína eins og
áður getur og dvaldist hann einnig í fimm vikur við söfnun í ísafirði og Dýrafirði
sumarið 1919. I flestum tilvikum skráir Þórbergur á seðilinn orðið, notkun þess,
heimildarmann og sveit eða sýslu (sjá sýnishorn á mynd 4).
I safni Þórbergs er einnig talsvert af seðlum með orðum sem Þórbergur telur
vanta í orðabók Blöndcds, einkum í fyrstu tveimur kössunum. Mest eru þetta
samsetningar sem hann hefur skrifað upp þegar hann las gaumgæfilega yfir það
af orðabókinni sem út var komið 1923 ([Þórbergur Þórðarson] 1924:120).
Ljóst er að safn Þórbergs hefur verið meira að vöxtum, en ekki hefur tekist
að finna neitt í dagbókunum sem bent gæti á hvað um það hafi orðið sem ekki
skilaði sér í safn Orðabókar Háskólans.