Orð og tunga - 01.06.1990, Page 77

Helga Jónsdóttir: Islenskun forrita
55
Mynd 3: Gluggi í Skrifstofusýn/2. Skjáhnappurinn við atriðið í miðjunni er „á".
eintak af þessari skrá. Stefnt er að því að skráin verði að aðgengilegu orðasafni
með skýringum og millivísunum. Undirbúningur er hafinn að slíkri útgáfu og er
ætlunin að fyrst verði hugað að orðum sem snerta ritvinnslu og aðra textavinnslu.
Því miður hefur þýðendum ekki enn gefist nægur tími til þessa verkefnis en
vonandi rætist brátt úr því.
Myndmál í þýðingum
Langt er síðan farið var að nota myndmál á tölvum. Það hefur þann ótvíræða
kost að vera óháð einstökum tungumálum svo að notendur eiga að geta skilið
það hvaða tungumál sem þeir tala. Þetta er þó ekki alltaf eins einfalt og það
sýnist. Myndmál er nefnilega oft háð menningu, rétt eins og talað og ritað mál.
Myndmál og umhverfi tölvunotenda
í Skrifstofusýn og öðrum forritum sem vinna undir OS/2 eru svokallaðir skjá-
hnappar notaðir til cið velja milli tveggja kosta í gluggum. Hnapparnir eru eins
konar rofar. Svartur depill inni í hringnum táknar að hnappurinn er „á“, annars
er hann „af‘. Dæmi um hnappana koma fram á mynd 3.
Handhægt er að nota hnappana til að koma boðum til tölvunnar. A ensku
er notað heitið radio button um þessa hnappa, og er þar vísað til sambærilegra
hnappa á útvarpstækjum sem sýna á hvaða bylgju er stillt, hvort kveikt er á
tækinu o.s.frv. (sjá McNierney 1988:72). Eg verð að játa að ég var marga daga
að átta mig á samhenginu milli þessa fyrirbæris og hnappanna á mínu eigin
útvarpstæki! Svo mun hafa verið um fleiri þýðendur.
Jörgen Pind (1987:46) notar orðið skjdhnappur um þetta fyrirbæri í bók
sinni um Macintosh-tölvuna. Þar er fyrirbærið tengt umhverfmu sem það birtist