Orð og tunga - 01.06.2008, Síða 105

Þóra Björk Hjartardóttir
íslenzk-færeysk orðabók
Jón Hilmar Magnússon: íslenzk-færeysk orðabók. íslendsk-
foroysk orðabók. Hið íslenzka bókmenntafélag, Reykjavík
2005. ISBN 9979-66-179-8. 877 bls.
1 Inngangur
Útgáfa íslenzk-færeyskrar orðabókar (ÍF hér eftir) er fagnaðarefni öllum
unnendum þessara náskyldu frændtungna. Bókin er fyrst sinnar teg-
undar en íslensk-færeyskur orðalisti yfir algeng íslensk orð sem ekki
eiga sér samsvaranir í færeysku var gefinn út árið 1995 að tilstuðl-
an færeysku málnefndarinnar (íslendskur-foroyskur orðalisti 1995). Fær-
eysk-íslenskri orðabók eða stuttum orðalista er hins vegar ekki til að
dreifa en höfundur ÍF upplýsir í formála að slík orðabók sé í undir-
búningi. Það sýnir best kraft og hug höfundar að ráðast strax í annað
stórvirki eftir að hafa komið frá sér þessu mikla eljuverki sem ÍF er.
Bókin er alfarið frumkvæði höfundar, sprottin af áhuga á orðasöfn-
un og orðfræði og þörf fyrir að greiða fyrir samskiptum íslendinga og
Færeyinga en höfundur tengist Færeyjum í gegnum fjölskyldubönd.
Ekki kemur hins vegar fram í formála hvernig kunnáttu höfundar
sjálfs á færeysku máli er háttað. Bókin er eins manns verk en nokkr-
ir vel kunnir færeyskir málfræðingar og orðabókarhöfundar lásu yfir
handritið og gera má ráð fyrir að vinna þeirra hafi fyrst og fremst falist
í yfirferð yfir færeysku þýðingarnar og eykur það mjög gildi orðabók-
arinnar. Höfundur naut enn fremur aðstoðar ýmissa annarra, bæði í
Orð og tunga 10 (2008), 95-109. © Stofnun Árna Magnússonar í íslenskum fræðum,
Reykjavík.