Ráðunautafundur - 15.02.1999, Blaðsíða 20

12
RflÐUNfiirmFUNDUR 1999
Tillaga að frumvarpi til nýrra laga um mat á umhverfisáhrifum
og framkvæmdir í dreifbýli
Ásdís Hlökk Theodórsdóttir
Skipulagsstofnun
INNGANGUR
Núgildandi lög um mat á umhverfisáhrifum eru frá árinu 1993. Þau byggja að verulegu leyti á
tilskipun Evrópusambandsins um sama efni frá 1985, sem Island skuldbatt sig til að lögleiða
með samþykkt samningsins um Evrópska efnahagssvæðið.
í nóvember 1997 skipaði umhverfisráðherra nefnd sem falið var að gera tillögu að frum-
varpi til nýrra laga um mat á umhverfisáhrifum. Skyldi nefndin hafa hliðsjón af reynslu af
framkvæmd laga um mat á umhverfisáhrifum hér á landi og lcröfum nýrrar tilskipunar
Evrópusambandsins um sama efni.
í desember sl. skilaði nefndin tillögu sinni að frumvarpi til umhverfisráðherra.
TILLAGA NEFNDAR AÐ FRUMVARPI - HELSTU BREYTINGAR OG NÝMÆLI
Þær breytingar sem lagðar eru til í tillögu nefndarinnar að frumvarpi til laga um mat á um-
hverfisáhrifum eiga sér annars vegar rætur í mati á framkvæmd núgildandi laga hér á landi og
eru hins vegar gerðar til að mæta kröfum nýrrar tilskipunar Evrópusambandsins. Meðal ný-
mæla má nefna eftirtalin atriði:
Markmió
Til skýringar við framkvæmd laganna og til samræmis við inngang tilskipunarinnar er gerð
tillaga um að markmiðsgrein laganna sé útfærð frekar, þannig að þar komi skýrt fram tví-
þættur tilgangur matsins, að koma í veg fýrir að umhverfmu verði spillt með því að meta áhrif
framkvæmda á kerfisbundinn hátt og að auka þátttöku almennings í ákvarðanatöku um fram-
kvæmdir og umhverfismál.
Gildissvið
Gerð er tillaga um að lögin gildi ekki eingöngu á landi eins og er um núgildandi lög, heldur
einnig í landhelgi og efnahagslögsögu íslands. Er sú tillaga m.a. sett frarn með hliðsjón af
efnistöku af sjávarbotni.
Skilgreiningar
I frumvarpinu er að finna mun ítarlegri lista skilgreininga á helstu orðum og hugtökum sem
koma fyrir í texta frumvarpsins en í núgildandi lögum.
Hlutverk Skipulagsstofnunar
Samkvæmt núgildandi lögum sér skipulagsstjóri ríkisins um framkvæmd laganna. Hann úr-
skurðar um mat á umhverfisáhrifum framkvæmda á grundvelli matsskýrslu sem framkvæmd-
araðili útbýr. Með gildistöku skipulags- og byggingarlaga fyrir ári síðan tók Skipulagsstofnun
til starfa, en skipulagsstjóri ríkisins stýrir henni. í frumvarpinu tekur Skipulagsstofnun við
hlutverkum embættis skipulagsstjóra ríkisins samkvæmt núgildandi lögum, auk þess sem
hlutverk stofnunarinnar eru nánar skýrð í frumvarpinu en gert er í núgildandi lögum.